Monthly Archives: Maio 2021

O Voluntariado Miúdo celebra un encontro virtual para compartir experiencias

 O pasado venres tivo lugar o Encontro Virtual do programa “Voluntariado Miúdo: Móvete” na que os 6 centros participantes puxeron en valor os seus proxectos solidarios e de acción voluntaria impulsados ao longo deste curso escolar marcado pola pandemia da COVID-19,  e que a pesar dos condicionantes lograron levar adiante iniciativas tremendamente interesantes e necesarias.

Deste xeito, no encontro virtual no que participaron 10 aulas dos diferentes centros, compartíronse proxectos moi diversos vencellados á creación de recursos didácticos para alumnado de diversidade funcional, o coidado do medio, a atención de necesidades básicas a través de campañas solidarias, a atención ás persoas maiores e o traballo de sensibilización da comunidade educativa foron algún dos eidos sobre os que versaron os diferentes proxectos presentados.

Ler máis…

O grupo de autoxestores traballa nas estratexias para a resolución de conflitos

Esta semana ben de rematar o obradoiro de resolución de conflitos que se ten desenvolvido co grupo de autoxestores de FADEMGA Plena Inclusión Galicia, e que permitiu ao grupo traballar sobre a importancia do grupo para a creación dun clima relacional positivo, a análise de conflitos e a introdución nalgunhas ferramentas para a xestión positiva de conflitos.

O grupo traballou ao longo das diferentes sesións do obradoiro con moito interese e motivación achegando reflexións e propostas axustadas á súa realidade cotiá.

Finalmente plantexáronse estratexias específicas que poden axudar aos grupos a xestionar satisfactoriamente os diferentes conflitos que poden aparecer froito da convivencia e a interacción interpersoal.

arelar desenvolveu as sesións formativas na sede de FADEMGA.

Saídas profesionais na educación social

Arelar ven de participar ao longo da mañá na xornada formativa  “Unha mirada ás saídas profesionais das Educadoras e Educadores Sociais” dirixida ao estudantado de grao de Educación Social, e que pretendía achegar diversas saídas profesionais propias do alumnado de educación social en ámbitos diversos,  e que poideran ser do seu interese no proceso de saída ao mercado laboral.

Arelar foi convidada para desenvolver a videoconferencia “Educación social e desenvolvemento comunitario: Que posibilidades ofrece a iniciativa privada?” na que se pretendeu identificar claves para o desenvolvemento dun proxecto profesional encamiñado ao autoemprego, e que conexións ofrece co desenvolvemento comunitario, identificando ferramentas específicas de moita utilidade para a realización de proxectos de carácter comunitario.

A Xornada foi realizada en formato en liña e foi organizada pola Facultade de Ciencias da Educación da Universidade de Santiago de Compostela  e a Área de Orientación Laboral e Emprego da USC e o Ceesg.