Category Archives: TEATRO SOCIAL

Abordando o ciberbullying dende o Erasmus +

O alumnado do IES XELMIREZ I participará no marco do Erasmus +, nun encontro en Como (Italia) con alumnado doutros centros de Rumanía e Italia, par abordar a problemáticas do bullying e o ciberbullying tal e como veñen facendo en diversos encontros ao longo do pasado curso escolar.

Nesta ocasión o alumnado do IES Xelmirez I, está a preparar unha peza de teatro foro para representar diante dos seus compañeiros e compañeiras na que aborda a problemática do ciberbullying, no contexto dunha relación adolescente.

A semana pasada co inicio do curso, 12 alumnas e alumnos están a traballar na peza “Vaste a enterar!” e na que o alumnado asumirá so diferentes roles prcisos para a representación dunha peza de teatro foro,e que van moito máis alá da representación por parte de actores e actrices.

Ler máis…

O teatro comunitario dá vida

O Clube de Maiores de Boqueixón leva xa un tempo traballando dende unha perspectiva comunitaria, e co teatro como ferramenta para desenvolver un envellecemento activo, ao tempo que dinamiza a súa comunidade .

Neste intre o Clube de Maiores está a traballar nunha comedia titulada “Un morto moi vivo”, e resulta digno de mención o proceso de creación dos personaxes, adaptándoos as necesidades de cada un dos participantes.

Unha das cuestións máis complexas ten que ver coa creación dunha peza coral para 27 maiores, adecuando ás caracteristicas individuais tan diversas no grupo.

Todos estes elementos de complexidade son suplidos coa ilusión, entusiasmo e bó facer do grupo, de forma que o proceso de construción da peza resulta tremendamente estimulante e motivador.

Ao longo do ano seguirá o traballo para desenvolver a posterior representación á comunidade.

Arelar desenvolve a coordinación técnica deste proxecto.

Teatro foro: recurso didáctico fronte ao ciberbullying

Ven de rematar nos diferentes institutos de Vilagarcía de Arousa,  un proxecto de “Prevencion do Ciberacoso e bó uso das TIC´S” que consistíu na creación de diversas pezas teatrais creadas polo alumnado dos diferentes centros para reprsentar ante a comunidade educativa dende a metodoloxía do teatro foro.

Ao longo do segundo e terceiro trimestre participaron no proxecto 257 alumnos participaron no proxecto (70 alumnos e alumnas como creadoras de3 pezas de teatro foro, 187 alumnos e alumnas como destinatarias das diferentes pezas teatrais para sensiblizar sobre esta problemática de convivencia).

 

 O proxecto abordou a problemática do ciberbullying, dende diversas ópticas, e sempre partindo da visión do alumnado participante, que tivo un gran protagonismo á hora de estruturar a peza teatral, perfilar os personaxes e ientificar as situacións nas que era preciso actuar para protexer a unha vítima de ciberbullying,

Ler máis…