Archives

Respecto e tolerancia claves para a resolución pacífica de conflitos

Dende onte Arelar iniciou no CEIP A Lomba un obradoiro de resolución de conflitos con alumnado de 3º de educación primaria, dirixido a fortalecer aqueles conceptos necesarios para o promoción dunha convivencia positiva dentro dun grupo, e que facilite a aprendizaxe das competencias necesarias no alumnado para a xestión dos conflitos dun xeito positivo, centrados na tolerancia e o respecto.

O obradoiro estruturado en 3 sesións permite o traballo sobre a realidade do alumnado recollendo as percepcións  que teñen sobre os conflitos, e a estratexias que empregan para a súa resolución.

Partindo desta base, o alumnado poderá analizar e traballar as diferentes habilidades que axudan a resolver conflitos que están presentes na súa realidade cotiá.

As sesións son presenciais gardando tódalas medidas hixiénico-sanitarias establecidas no protocolo do centro,

Menores e os xogos de apostas

Segundo diversos estudios, cada vez é maior a problemática de menores e xogos de apostas, aumentando progresivamente a porcentaxe de menores que teñen experiencias de xogo tanto presenciais como en liña, independentemente de que sexa unha práctica ilegal no caso dos e das menores de idade.

Arelar está a participar dun proxecto dirixido a crear unha campaña de sensibilización e prevención das adiccións ao xogo de apostas e de azar na mocidade, e que está sendo promovida polo Concello de Santiago.

O proxecto parte dunha fase creativa, que logo levará asociada actuacións especificas de sensibilización e participación comunitaria no marco da campaña ao longo deste ano.

 

Teatro foro: Unha ferramenta para abordar os impactos emocionais derivados da COVID-19

O proxecto de teatro foro para a educación en valores, que impulsa dende fai varios anos o departamento de mocidade do Concello de Santiago de Compostela, nesta nova edición traballará ao redor da abordaxe dos impactos emocionais que na comunidade educativa está a deixar a pandemia da COVID-19,  a través da creación de pezas teatrais que reflictan diversas vivencias e impactos de carácter emocional derivado de tódolos cambios que está a supoñer a tódolos niveis (educativo, familiar e social) esta nova realidade.

Dete xeito as pezas abordaran situacións derivadas desta nova realidade que supoñen unha dificultade ou opresión para o alumnado dende a perspectiva emocional.

Para o desenvolvemento do proxecto estableceranse diversas fases: diagnose, creación das pezas e realización das sesións de teatro foro que terán lugar no que queda de curso 2021-21 e no inicio do vindeiro curso 2021-22.

O obxectivo final do proxecto coordinado na parte técnica por Arelar pretende dotar ao alumnado das ferramentas necesarias para mellorar as súas competencias emocionais:  expresion emocional, conciencia emocional, regulación emocional e competencias sociais.