Archives

O “Voluntariado miúdo” en constante movemento

O alumnado de educación infantil e primaria de 12 centros de toda Galicia participan neste proxecto da Dirección Xeral e Xuventude, Participación e Voluntariado no marco do Plan Proxecta

O Voluntariado Miúdo “Móvete”, está a ser desenvolvido por 12 centros de toda Galicia para a promoción de competencias claves vencelladas á solidaridade e ao voluntariado, na que a participación activa do alumnado, a educación en valores, a relación co seu entorno, son eixos principais no desenvolvemento do proxecto.

Un total de 1324 alumnos e alumnas, 79 profesores e profesoras, e 12 centros das 4 provincias galegas, conforman o programa de Voluntariado Miúdo, no que cada centro desenvolve un proxecto para o desenvolvemento da acción voluntaria, a solidaridade e a educación en valores, dende accións que pretenden xerar un impacto no seu territorio.

Ler máis…

O apalpador pasou por Rodeiro

O apalpador chegou a Rodeiro para encher de felicidade e música a entrada do novo ano

Onte pasou o apalpador por Rodeiro, e acompañado polo seu trovador Servando, viñeron dende os Ancares para compartir un momento cheo de ledicia e respecto pola natureza.

Como agasallo, o apalpador deu unha landra a cada neno e nena para que prantar un carballo e enriquecer asi os nosos montes desta querida árbore tan nosa.

Esta actividade estivo enmarcada dentro do campamento de Nadal que se desenvolve no Concello de Rodeiro e permite propiciar a conciliación laboral e familiar ao tempo que xerar un espazo de ocio e diversión con clara vocación educativa.

Ler máis….

O Ciberbullying a debate no IES Castro Alobre

Ao longo desta semana o alumnado de 3º PMAR desenvolve unha serie de teatros foro para abordar a problemática do ciberbullying para todo o alumnado de 2º de ESO do centro.

O alumnado de 3º de PMAR leva traballando ao longo do trimestre na creación dunha peza de teatro foro (“Noelia”) na que abordan a problemática do ciberbullying dentro dun centro educativo. O alumnado participante creou as diferentes situacións e personaxes da peza, a partires das súas percepcións e inquedanzas.

O resultado final é unha peza de 18 minutos de duración que representan para os 5 grupos de 2º de ESO en cinco sesións, e que serve como recurso educativo para abordar esta problemática: analizar o papel dos espectadores ante situacións de bullying ou ciberbullying, estratexias de protección da vítima, aspectos que seven para detectar situacións problemáticas, ou que facer ante un caso no noso centro.

Ler máis….