Archives

Patrimonio, cine e diversión en Rodeiro

Ao longo deste verán arelar veu coordinando o desenvolvemento dun espazo lúdico e educativo para os nenos e nenas do Concello de Rodeiro, no que dun xeito ameno e divertido, puideron investigar e coñecer múltiples aspectos vencellados ao patrimonio local. Concretamente, estableceuse un xogo que permitiu descubrir múltiples aspectos patrimoniais, como son a Tulla de Fafián, os Castros e as mámoas existentes ao longo do concello.
O xogo incluiu visitas in situ a cada espazo ou achegas en 3D, segundo os casos.

Ademais ao longo do proxecto, realizouse unha curtametraxe titulada “o bufón e a pantasma”, creada e protagonizada polos nenos e nenas.

Ler máis…

“A experiencia conta”: Un camiño de inclusión e aprendizaxe compartida

Ven de iniciarse a segunda edición deste programa interxeracional que pretende por en valor os espazos de aprendizaxe interxeracional na que persoas de distintas idades e procedencias traballan en conxunto para facer un programa radiofónico que dea resposta as inquedanzas e intereses dun grupo tan heteroxéneo e diverso.

Nesta edición participan no proxecto entidades moi diversas (AFA Mnforte, Cáritas Monforte, Centro Valladares de Vigo, A Fundación Amigos dos Maiores, cruz Vermella Betanzos ou AFundación son as primeiras entidades implicadas no proxecto) , que culminarán coa elaboración dos diferentes programas de radio e coa presentación do proxecto no marco do Congreso Estatal de Voluntariado que se celebrará en Galicia a finais de novembro.

O proxecto “A Experiencia Conta” é promovido pola Dirección Xeral de Xuventude, Participación e Voluntariado e está coordinado por Arelar e Laboratorio de Radio.

Abordando o acoso escolar no CIFP COROSO

O día 23 e 24 de maio desenvolveuse un obradoiro de prevención do acoso escolar como instrumento para complementar o traballo educativo que dende o CIFP COROSO levan desenvolvendo ao redor desta temática, ao longo deste trimestre cos diferentes grupos de FP Básica do centro.

No obradoiro, analizáronse os diferentes roles que se producen nunha situación de acoso, e trala análise grupal, procedeuse a abordar estratexias de actuación dende a perspectiva da vítima e dos posibles observadores de situacions de acoso a través de diversos role-playing.

Finalmente o grupo estableceu propostas de actuación dende unha perspectiva de centro para previr o acoso escolar e dar apoio a posibles vítimas.

Arelar desenvolveu a dinamización destes obradoiros que se realizaron cos grupos de FP Básica de mecánica, industrias alimentarias e embarcacións do CIFP COROSO.