Archives

O encontro de voluntariado miúdo permite compartir experiencias e proxectos

O pasado venres 3 de xuño os centros participantes no voluntariado miúdo participaron nun encontro que misturou a o contexto virtual co presencial, como paso previo ao tan desexado encontro presencial do alumnado para o vindeiro curso.

Ao longo do encontro sete centros educativos compartiron as súas experiencias e proxectos de voluntariado e solidaridade e que impulsaron ao longo do curso. O resultado final foron proxectos do máis diverso, e que permitiron abordar temáticas tan diversas como o voluntariado ambiental, o voluntariado interxeracional, a inclusión dos cans na aula para o traballo en valores, a diversidade funcional, ou iniciativas solidarias cos habitantes da Palma, entre outras.

Ao encontro asistiron a Directora Xeral de Xuventude, Participación e Voluntariado Cristina Pichel, e a Xefa de Servizo de Voluntariado e Participación Pilar Martínez, para que puideran coñecer de primeira man as diferentes iniciativas do Voluntariado Miúdo.

Presencialmente acudiron á Cidade da Cultura no Salón Xosé Neira Vilas dous centros educativos (CEIP Isidro Parga Pondal e o CEIP San Tomé) para compartir “in situ” os seus proxectos.

Na segunda parte do encontro o alumnado efectuou propostas concretas para o desenvolvemento de vindeiros encontros xa nun formato presencial, e onde se achegaron innumerables ideas e propostas moi interesantes.

 

Vas Picar? Mocidade libre de apostas

Esta mañá veu de presentarse os resultados da Campaña “Vas picar? Mocidade libre de apostas” dirixida á mocidade compostelá e que pretende previr a adicción aos xogos de apostas, a  través dunha campaña que pretendeu sensibilizar á mocidade dos riscos asociados ás apostas nos xogos de azar.

Para isto a campaña tivo 3 eixos principais: a campaña impulsada nas redes sociais con máis de 50 creatividades xeradas ao longo da campaña, os obradoiros nos centros educativos para impulsar un traballo educativo en torno a esta problemática (48 obradoiros e 1.112 alumnos e alumnas da cidade participaron nesta liña de traballo) e a implicación de diferentes entidades sociais da cidade adheríndose á mensaxe da campaña (28 entidades sobre todo educativas e deportivas participaron da iniciativa).

Ler máis…

A frustración de Nadia

“A frustración de Nadia” é unha peza de teatro foro creada polo alumnado de 2º de ESO do CPI Ponte Carreira, e que aborda a problemática do ciberbullying. Ao longo do primeiro e segundo trimestre o alumnado preparou esta peza con 10 cadros-escena, nos que se aborda a realidade do ciberbullying nos xogos en liña, nas redes sociais, etc… prestando especial atención nos impactos emocionais que xeneran.

O resultado final é unha peza de 25 minutos de duración que amosa a realidade dunha alumna de 13 anos con pais que migraron do seu país e que sufre o rexeite e o desprezo dos acosadores, e ante a impasividade dun sector importante do alumnado.

A peza tamén tenta poñer o foco no alumnado observador de situacións de bullying e ciberbullying como mecanismo para a prevención e minimización dos danos na vítima.

Ler máis…