Archives

“A experiencia conta”: Un camiño de inclusión e aprendizaxe compartida

Ven de iniciarse a segunda edición deste programa interxeracional que pretende por en valor os espazos de aprendizaxe interxeracional na que persoas de distintas idades e procedencias traballan en conxunto para facer un programa radiofónico que dea resposta as inquedanzas e intereses dun grupo tan heteroxéneo e diverso.

Nesta edición participan no proxecto entidades moi diversas (AFA Mnforte, Cáritas Monforte, Centro Valladares de Vigo, A Fundación Amigos dos Maiores, cruz Vermella Betanzos ou AFundación son as primeiras entidades implicadas no proxecto) , que culminarán coa elaboración dos diferentes programas de radio e coa presentación do proxecto no marco do Congreso Estatal de Voluntariado que se celebrará en Galicia a finais de novembro.

O proxecto “A Experiencia Conta” é promovido pola Dirección Xeral de Xuventude, Participación e Voluntariado e está coordinado por Arelar e Laboratorio de Radio.

Teatro comunitario cheo de vitalidade en Boqueixón

Onte tivo lugar a estrea da obra “Urxencias”, unha adaptación da obra de Suso de Toro, e que representou o Clube de Maiores de Boqueixón, tras uns meses de traballo preparando esta peza coral con 26 actores e actrices, para compartir esta comedia cun auditorio totalmente ateigado.

O resultado final foi unha comedia disparatada na sala de urxencias dun hospital onde aparecían os personaxes máis disparatados que se puidera un imaxinar.

A representación desta peza é o resultado final, dun proceso de traballo dende unha perspectiva comunitaria, na que os maiores partindo do texto orixinario foron aportando e facendo súa a obra, achegando a súa visión da comedia, e construindo e perfilando os personaxes para finalmente representar a obra ante a súa veciñanza totalmente entregada, e recoñecendo o traballo realizado, contanto con algunha actriz de máis de 90 anos.

Ler máis…

A transexualidade dende a óptica do teatro foro

Arelar leva dinamizando dende finais do ano pasado un proxecto de teatro foro, promovido polo Concello de Teo, dirixido a analizar, sensibilizar e procurar alternativas para afrontar as situacións de opresión que en ocasións, sofren aquelas persoas que se atopan nun corpo que non é o que lle corresponde. Toda esta “loita interior” leva consigo asociada a procura da comprensión por quen rodea á persoa transxénero: familia, amizades, alumnado do instituto, profesorado, etc….

A procura do apoio, a comprensión e poder exercer os nosos dereitos son os eixos sobre os que un grupo de 10 alumnos e alumnas do IES cacheiras levan traballando, para representar unha serie de sesións de teatro foro cos seus propios compañeiros e compañeiras, para abordar a realidade LGTB, dende a construción dunha peza teatral que tenta describir unha realidade  que precisa da nosa implicación e compromiso.

ler máis…