Archives

O teatro foro como recurso na educación emocional do alumnado

O nte tivo lugar a rolda de prensa do proxecto de teatro foro que impulsa o Concello de Santiago nos centros de educación secundaria de Compostela co afinalidade de crear unha ferramenta para a educación emocional do alumnado, tomando como partida situacións e vivencias vencelladas á pandemia e os seus impactos emocionais.

O proxecto de teatro foro, desenvólvese neste curso académico dun xeito diferente ao que viña sendo común antes da pandemia, no que o alumnado participaba do proceso creativo das pezas de teatro foro creando as personaxes e as situacións en base á tematica que cada grupo elixía, para posteriormente desenvolver as sesións de teatro foro no seu centro.

Neste curso, o proceso creativo das pezas foi diferente, e partíu ao final do curso pasado da recollida das percepcións e vivencias do alumnnado ao longo da pandemia (a través dun obradoiro de educación emocional) , para identificar situacións concretas e o seu impacto emocional na mocidade.

Deste xeito, un grupo de educadores e educadoras de Arelar desenvolve á representacion das pezas e guía as sesións de teatro foro, para permitir a reflexión e análise do vivido, a través de escenas que permitan a aprendizaxe emocional do alumnado, propoñendo interpretacións que permitan axudar aos personaxes a unha mellor xestión emocional das situacións escenificadas.

O proxecto de teatro foro, desenvólvese ao longo deste trimestre en 4 institutos Compostelás, se ben está aberto a novas solicitudes.

Arelar coordina a parte técnica do proxecto que promove a Concellaría de Mocidadade e Educación do Concello de Santiago.

Teatro foro: Unha ferramenta para abordar os impactos emocionais derivados da COVID-19

O proxecto de teatro foro para a educación en valores, que impulsa dende fai varios anos o departamento de mocidade do Concello de Santiago de Compostela, nesta nova edición traballará ao redor da abordaxe dos impactos emocionais que na comunidade educativa está a deixar a pandemia da COVID-19,  a través da creación de pezas teatrais que reflictan diversas vivencias e impactos de carácter emocional derivado de tódolos cambios que está a supoñer a tódolos niveis (educativo, familiar e social) esta nova realidade.

Dete xeito as pezas abordaran situacións derivadas desta nova realidade que supoñen unha dificultade ou opresión para o alumnado dende a perspectiva emocional.

Para o desenvolvemento do proxecto estableceranse diversas fases: diagnose, creación das pezas e realización das sesións de teatro foro que terán lugar no que queda de curso 2021-21 e no inicio do vindeiro curso 2021-22.

O obxectivo final do proxecto coordinado na parte técnica por Arelar pretende dotar ao alumnado das ferramentas necesarias para mellorar as súas competencias emocionais:  expresion emocional, conciencia emocional, regulación emocional e competencias sociais.

 

O proxecto de teatro foro implica a máis de 800 escolares de Santiago

A semana pasada ven de presentarse o proxecto de Teatro foro para a educación en valores, e que nesta edición implica a 5 institutos da cidade ( IES Xelmirez I, IES Xelmirez II, IES Rosalía de Castro, IES Pontepedriña e IES Sar) e a máis de 800 alumnos e alumnas, sumando ao alumnado que prepara e interpreta cada unha das pezas que compoñen o proxecto, como do alumnado que participa nas propias sesións de teatro foro como “espect-actores”.

Ao longo deste curso prepararanse 9 pezas teatrais que abordan diversas temáticas de interese para o proceso educativo do alumnado dos centros educativos, e que presentan diversas realidades. Deste xeito, a transexualidade, o bullying, o racismo, a prevención das drogodependencias, a adicción ao xogo e o ciberbullying,  son algunhas destas temáticas.

Ler máis…