Archives

O Ciberbullying a debate no IES Castro Alobre

Ao longo desta semana o alumnado de 3º PMAR desenvolve unha serie de teatros foro para abordar a problemática do ciberbullying para todo o alumnado de 2º de ESO do centro.

O alumnado de 3º de PMAR leva traballando ao longo do trimestre na creación dunha peza de teatro foro (“Noelia”) na que abordan a problemática do ciberbullying dentro dun centro educativo. O alumnado participante creou as diferentes situacións e personaxes da peza, a partires das súas percepcións e inquedanzas.

O resultado final é unha peza de 18 minutos de duración que representan para os 5 grupos de 2º de ESO en cinco sesións, e que serve como recurso educativo para abordar esta problemática: analizar o papel dos espectadores ante situacións de bullying ou ciberbullying, estratexias de protección da vítima, aspectos que seven para detectar situacións problemáticas, ou que facer ante un caso no noso centro.

Ler máis….

A prevención das drogodependencias dende unha ollada diferente

Ven de comezar no IES Pontepedriña un traballo de prevención de drogodependencias co alumnado de FP Básica de Comercio que  a través da metodoloxía do Teatro Foro, crean unha peza teatral que posteriormente será representada a diferentes grupos de 4º de ESO do centro, e que permitirá abordar a problemática dende unha óptica diferente, obrigando ao alumnado a un traballo vivencial sobre as estratexias para afrontar situacións de presión de grupo, de afrontamento de conflitos entre iguais ao redor de consumos, a comunicación no seo familiar, etc…

O alumnado participante (18 en total) crea as situacións onde se desenvolve a peza, froito das súas percepcións e inquedanzas, de cara a abordar a prevención dende as dificultades dun personaxe central na súa relación problemática coas drogas.

Ler máis…

Facendo fronte ao ciberbullying

Esta semana deu comezo o proxecto de “Prevención do ciberacoso e bo uso das Tic´s” promovido polo Concello de Vilagarcía e cofinanciado pola Deputación de Pontevedra, e que pretende establecer estratexias de sensibilización, prevención e detección do ciberacoso no seo da comunidade educativa.

O proxecto establece dúas liñas de traballo perfectamente diferenciadas. Por unha banda, establécese unha serie de accións formativas para nais e pais, dirixida a facilitar estratexias de detección de posibles situacións de ciberacoso, así ocomo para establecer pautas educativas para a prevención.

Por outra banda, o proxecto establece unha actuación innovadora para o traballo directo co alumnado, dirixida a preparar un teatro foro coa temática do ciberacoso, elaborado polo propio alumnado e que representará ao resto da comunidade educativa en varias sesións formativas.

Ler máis…