Archives

A presentación do proxecto “Móvete”

Hoxe, ven de presentarse no CPI Virxe da Cela (Monfero) o proxecto “Móvete” xunto ao videoclip da canción do mesmo título, composta e interpretada por Paco Nogueiras e que servirá de fío conductor dun proxecto piloto de promoción dos valores solidarios e do voluntariado na educación primaria.

Neste proxecto participarán alumnos e alumnas de 3 centros educativos (CPI Virxe da Cela de Monfero, CEIP Fontiñas de Santiago de Compostela, e CEIP A Lomba de Vilagarcía de Arousa).  O proxecto constará duns obradoiros que terán a canción de Paco Nogueiras como fío conductor e froito desta formación, o alumnado participante deseñará unha serie de actuacións solidarias  que compartirá co resto dos centros nun acto conxunto que rematará cun  gran concerto de Paco Nogueiras coa canción “Móvete”, como emblema deste proxecto solidario.

Na presentación deste proxecto da Dirección Xeral de Xuventude e Voluntariado, estiveron presentes a Directora Xeral de Xuventude, Cecilia Vázquez, e Paco Nogueiras, compositor e intérprete da canción.

Coñecendo novos proxectos na RCES

Ao longo deste mes desenvolvéronse diversas visitas de asesoramento aos centro de nova incorporación a RCES, para coñecer os diferentes proxectos que están a impulsar e poder por en común as dinámicas de funcionamento dentro da Rede de Centros Escolares Solidarios (RCES) e as actividades que se ofertan para o apoio aos proxectos solidarios de cada centro.

Nesta quenda realizáronse visitas aos seguintes centros:

IES Castro Alobre (Vilagarcía de Arousa)

IES de Meaño (Meaño)

IES Isidro Parga Pondal (Carballo)

CPR Mariano (Vigo)

CIFP Ferrolterra (Ferrol)

 

Arelar desenvolve a coordinación técnica destas visitas no marco da RCES para a dinamización dos proxectos solidarios de cada centro.

“Cada xesto conta”: Voluntariado en acción

 

O alumnado da Rede de Centros Escolares Solidarios (RCES) conmemorou o Día Internacional do Voluntariado cunha serie de accións coordinadas e dirixidas a poñer en valor a figura do voluntariado á hora de dar apoio entorno a aquelas necesidades que actualmente están presentes nas nosas sociedades.

Para iso, celebraron unha videoconferencia para compartir as experiencias que se ían a desenvolver ao longo da xornada. Todas elas vencelladas ao contacto cos nosos maiores, actuación consensuada meses atrás entre o alumnado dos diferentes centros. Deste xeito, cada centro deseñou actuacións especificas para traballar psicomotricidade, elaborar programas de radio cos maiores, realizar actividades de acompañamento, etc… Cada actividade co maior dos entusiasmos e cariño por aquelas persoas que o deron todo por nós.

Para rematar, o alumnado da RCES, decidiu realizar unha serie de “selfies solidarios” con mensaxes propias, transmitindo o valor da acción voluntaria, máis alá do día de hoxe.

Parabéns!

CVXp17xWEAEVsP-

Unha alumna nos momentos previos á videoconferencia