Archives

A Adicción ao xogo a debate nos institutos de Vilagarcía de Arousa

Ven de desenvolverse ao longo das pasadas semanas unha serie de obradoiros de “Prevención da adicción ao xogo de apostas”  co alumnado de 4º de ESO dos diferentes institutos de Vilagarcía de Arousa, e que serviron como ferramenta preventiva para identificar os factores de risco e de protección que hai asociados a esta problemática na adolescencia.

Os datos amosan que a mocidade  é cada vez máis vulnerable aos riscos relacionados co xogo e as apostas, o que implica unha necesidade de formar e sensibilizar aos mozos e mozas sobre os riscos das prácticas conectadas coas apostas.

A resposta do alumnado e dos centros ante os obradoiros foi extraordinaria cunha gran receptividade e valorando moi positivamente os contidos abordados e cun alto nivel de participación ao longo dos obradoiros impartidos polos educadores e educadoras sociais de arelar.

O proxecto é promovido pola Concellaría de Benestar Social do Concello de Vilagarcía de Arousa e cofinanciado pola Deputación de Pontevedra.

 

 

A prevención da adicción aos xogos de apostas chega aos institutos Composteláns

Hoxe ven de presentarse en rolda de prensa da man do Concelleiro de Educación e Mocidade do Concello de Santiago, Rubén Prol, o proxecto de prevención da adicción aos xogos de apostas, dirixido á mocidade compostelá, e que se desenvolverá nos institutos de educación secundaria da Cidade.

O proxecto dá continuidade á Campaña lanzada ao longo do ano pasado “Vas picar?” Mocidade libre de apostas” pola Concellaría de Educación e Mocidade e que pretende seguir afondando no traballo preventivo coa mocidade ao redor desta adicción.

Para iso, desenvolveranse ao longo do proxecto actuacións en 3 eixos:

-Obradoiros formativos e de sensibilización ao longo de 3 sesións con cada grupo

-Cursos formativos para o profesorado para unha formacion básica que facilite o seu traballo co alumnado, achegando material didáctico de apoio.

-Potenciar a divulgación de mensaxes preventivas nas redes sociais e páxina web xeradas o ano pasado coa campaña “Vas picar? Mocidade libre de apostas”

O proxecto desenvolverase ao longo deste curso escolar.

 

 

Vas Picar? Mocidade libre de apostas

Esta mañá veu de presentarse os resultados da Campaña “Vas picar? Mocidade libre de apostas” dirixida á mocidade compostelá e que pretende previr a adicción aos xogos de apostas, a  través dunha campaña que pretendeu sensibilizar á mocidade dos riscos asociados ás apostas nos xogos de azar.

Para isto a campaña tivo 3 eixos principais: a campaña impulsada nas redes sociais con máis de 50 creatividades xeradas ao longo da campaña, os obradoiros nos centros educativos para impulsar un traballo educativo en torno a esta problemática (48 obradoiros e 1.112 alumnos e alumnas da cidade participaron nesta liña de traballo) e a implicación de diferentes entidades sociais da cidade adheríndose á mensaxe da campaña (28 entidades sobre todo educativas e deportivas participaron da iniciativa).

Ler máis…