Category Archives: CONVIVENCIA

En Carreira facemos fronte ao acoso escolar

Hoxe vense de desenvolver unha serie de obradoiros ao longo de toda a mañá co alumnado de educación primaria do CEP de Carreira para a prevención e sensibilización ao redor do acoso escolar. Os obradoiros establecéronse en 3 grupos. 1º e 2º de ed. primaria recibiron un obradoiro sobre as respostas alternativas á agresividade nos conflitos, e o valor da empatía, namentres que os grupos de 3º e 4º de ed. primaria e o grupo de 5º e 6º recibiron un obradoiro de prevención do acoso escolar para aprender a identificar o acoso escolar, e establecer os mecanismos de actuación e prevención principais, tendo en conta os diferentes protagonistas no acoso escolar (vítima, acosador/a e espectadores).

Arelar desenvolveu estes obradoiros froito da inicitativa da Anpa do centro e que previamente recibira formación ao respecto por parte de Arelar.  Deste xeito, as actuacións preventivas tiveron un enfoque máis integral na comunidade educativa.

Alumnado do IES Virxe do Mar comprometido para facer fronte ao acoso escolar

Neste último mes o alumnado de 1º de ESO do IES Virxe do Mar de Noia leva desenvolvendo un obradoiro de prevención do acoso escolar, dirixido a fomentar unha convivencia satisfactoria no ámbito escolar, e a sensibilizar sobre unha problemática que interpela directamente a todo o alumnado da comunidade educativa, xa que é responsabilidade da mesma, fomentar unha boa convivencia.

O obradoiro foi eminentemente práctico, abordando o fenómeno do acoso escolar dende a ollada dos seus diferentes protagonistas,e poñendo especial fincapé nos e nas observadoras das situacións de bullying, como un dos mecanismos esenciais para a prevención.

Ademais o alumnado construiu casos prácticos versados na súa percepción e posibles experiencias, sobre os cales se artellaron mecanismos e pautas de actuación dende tódalas ópticas posibles, e que tiveron que levar á practica de xeito vivencial no obradoiro.

Ler máis….

O IES As Insuas traballa ao redor da resolución pacífica de conflitos

Ven de iniciarse no IES AS Insuas un obradoiro de habilidades sociais e resolución pacífica de conflitos co alumnado de 2º de ESO do instituto, e que pretende ao longo dos vindeiros meses que o alumnado afonde na estrutura e percepción dos conflitos como paso previo para mellorar a convivencia no noso día a día.

Ao longo do obradoiro, o alumnado formarase en torno ás habilidades socioemocionais e as estratexias efectivas para unha solución positiva dos conflitos para as partes implicadas no mesmo, partindo do método “todos gañan”.

O obradoiro será eminentemente práctico e dirixido a desenvolver dun xeito vivencial os contidos e as competencias abordadas ao longo da formación.

Arelar impulsa o deseño e execución técnica do obradoiro que terá lugar no IES As Insuas de Muros ate o 1 de febreiro.