Category Archives: CONVIVENCIA

O acoso escolar dende a perspectiva de xénero

Durante o 18 e 19 de novembro, desenvolvéronse no CIFP COROSO uns obradoiros de acoso escolar dende a perspectiva de xénero, afondando naquelas situacións de acoso escolar na que a compoñente de xénero amosa os seus elementos diferenciais.

Os obradoiros foron traballados cos 3 grupos de 1º de FP Básica do centro educativo (Industrias alimentarias, transporte e mantemento de vehículos, embarcacións deportivas e de recreo).

O obradoiro desenvolveuse de xeito que se respectaba tódalas normas covid-19 do centro, polo que se adaptou a metodoloxía aos requerimentos hixiénico-sanitarios.

Arelar foi a entidade encargada de impulsar estese obradoiros que xa están consolidados no programa de actuacións a prol da convivencia no CIFP COROSO

EMPATIZA: Unha ferramenta para a resolución pacífica de conflitos nas aulas

O proxecto EMPATIZA é unha proposta que xorde da Concellaría de Benestar Social do Concello de Vilagarcía de Arousa, e que vai dirixida ao alumnado de 5º e 6º de educación primaria para promover a formación ao redor das habilidades sociais e o manexo dos conflitos no contexto escolar do alumnado.

Orixinariamente o proxecto establecía unha serie de sesións formativas presenciais nos 8 centros educativos participantes, pero a aparición da COVID-19 truncou o desenvolvemento deste proxecto no seu inicio aló no mes de marzo.

O proxecto EMPATIZA reformúlase neste contexto tan adverso nun material didáctico de apoio para o profesorado dirixido a traballar co alumnado directamente, e que inclúe metodoloxías experienciais para facilitar o proceso de adquisición das diferentes destrezas e habilidades a traballar.

Ler máis…

Ondas cheas de emoción en Arzúa

Os rapaces e rapazas de Arzúa están a desenvolver ao longo desta semana a través do proxecto “Emotiradio” un programa radiofónico onde a educación emocional e a posta en valor das xentes de Arzúa son o eixo central.

O proceso de traballo está dando como resultado a creación do programa “Que onda!!” no que a aprendizaxe emocional nestes tempos tan convulsos derivados da COVID-19 resulta esencial para a adaptación a esta nova realidade que estamos a vivir.

O programa está a crear contidos moi variados como entrevistas a persoal sanitario de Arzúa, reportaxes sobre o movemento asociativo da vila ou expereriencias nas que xente de fóra de Galicia pousou a súa ollada no rural para emprender un proxecto de vida apegado á terra.

Os contos de compoñente emocional e recomendacións de libros para unha aprendizaxe das emocións en familia son algúns dos contidos máis relevantes.

A creación dun programa radiofónico por parte das crianzas ten múltiples beneficios  no desenvolvemento de competencias cívicas, lingüísticas e socioemocionais.

O resultado final do proxecto será un podcast que ademais será emitido en Radio Arzúa.

Ler máis…