Category Archives: FORMACIÓN

Envellecemento activo e voluntariado

Ven de iniciarse na plataforma de formación on-line da Direción Xeral de Xuventude, Particpación e Voluntariado un curso de “Envellecemento activo e Voluntariado” dirixido a formar a entidades de acción voluntaria e o seu voluntariado no desenvolvemento de proxectos de envellecemento activo onde o voluntariado teña un rol activo.

O curso consta de 4 módulos, nos que se efectúa un percorrido polo que significa o desenvolvemento de proxectos de envellecemento activo e cales son as claves para a súa posta en práctica dende a óptica do voluntariado.

Deste xeito o curso desenvolve os seguintes módulos:

Módulo I: Claves do envellecemento activo
Módulo II: Áreas de intervención e papel do voluntariado
Módulo III: A labor de acompañamento con persoas maiores desde o programa Acompaño
Módulo IV: Desenvolvemento de proxectos de envellecemento activo dende a óptica do voluntariado

O Curso é impartido por Arelar e remata o 31 de outubro.

O voluntariado ambiental mecanismo para a participación social

dende o día 28 de maio e ate o 1 de xuño, estase a celebrar un curso de formación promovido pola Dirección Xeral de Xuventude, Participación e Voluntariado, centrado no “Voluntariado ambiental” e que pretende formar a voluntariado e persoas vencelladas a entidades de acción voluntaria a hora de desenvolver proxectos e accións de voluntariado ambiental.

É por iso que o curso conta cun plantexamento eminentemente práctico, no que tralas 20 horas de formación, as persoas participantes elaborarán un proxecto de voluntariado ambiental no que teñan en conta as claves fundamentais para un proxecto de voluntariado ambiental de calidade.

Ler máis…

Afondando na dinámica de grupos

Ao longo de 3 sesións, o profesorado do IES Daviña Rey de Monforte, levan traballando nunha formación ao redor das dinámicas de grupos para o traballo na aula. A formación que é impartida por Arelar, significa a parte docente do grupo de traballo coordinado polo Cefore de Monforte, e que permitirá ao profesorado do centro, instaurar diferentes materiais de traballo adaptables aos diferentes niveis educativos existentes no centro.

As sesións formativas (29 de xaneiro, 1 e 5 de febreiro) desenvolvéronse dende unha metodoloxía eminentemente práctica para permitir vivenciar ao profesorado participante, o proceso de aplicación das diferentes dinámicas de grupos, e analizar o seu impacto segundo a intencionalidade educativa que as caracterice.