Category Archives: PARTICIPACIÓN XUVENIL EN TEO

A participación: Un proceso en constante evolución

Arelar ven de rematar o estudo diagnóstico enmarcado no proxecto de participación social da mocidade de Teo. O estudo que implicou a 10 entidades do municipio, e na que participaron 255 mozos e mozas, dende diversos instrumentos de diagnóstico (enquisas, grupos de discusión e entrevistas estruturadas), permitiu establecer un plan de acción cunhas liñas de traballo específicas para a posta en práctica coa mocidade do concello de Teo.

Valoramos moi positivamente este proceso participativo, en constante evolución,  polo plural e enriquecedor que resultou e pola implicación dos axentes sociais do municipio.

 

portada

A mocidade a debate

Dentro do proxecto de participacion social da mocidade de Teo, coordinado por Arelar e promovido pola concellería de Benestar Social, estanse a realizar unha serie de grupos de discusión nos que a mocidade analiza en profundidade, os seus intereses e necesidades, de cara a debater sobre as mellores dinámicas e canles de participación de cara a artellar un programa de actividades de interese para os mozos e mozas do concello.

Asemade nestes grupos de discusión aparecen tamen aqueles dificultades estruturais que poden dificultar a participación (ex. A dispersión da poboación en gran cantidade de parroquias sen un núcleo central).

Ademais dos grupos de discusión, estanse a realizar entrevistas e enquisas a mocidade para coñecer a súa opinión e motivacións, de cara a integrala nas conclusións do proxecto de participación social da mocidade de Teo.

 

O tecido asociativo xerme da participación da mocidade en Teo

 

No marco do Proxecto de Participación Social da mocidade da Teo que coordina arelar, estanse a realizar unha serie de visitas as entidades sociais do concello, de cara a coñecer a dinámica de participación da mocidade, cales son as actividades nas que participan maioritariamente, e que procesos se empregan dende as asociacións nesa dinamización.

Neste achegamento ao tecido asociativo,  teñen especial relevancia as asociacións de cárácter cultural, en particular as vencelladas a cultura tradicional, as asociacións de carácter deportivo,  e as entidades sociais cunha compoñente dinamizadora no seu territorio.

Así mesmo, podemos constatar o enorme papel vertebrador que teñen no concello de Teo as entidades sociais para a dinamización social e cultural en cada unha das parroquias.

O proxecto entra así na segunda fase de execución, no marco deste estudo preliminar para impulsar procesos de participación social na mocidade do concello de Teo.