O “+ Q Fútbol” é un proxecto que está a xenerar de xeito constante, diversos materiais para promover os valores saudables e de integración da mocidade de procedencias moi diversas, a través da linguaxe universal do fútbol.
O proxecto é promovido polo Concello de Santiago e cofinanciado polo Plan Nacional sobre Drogas, e está a ser desenvolvido, na parte técnica polo equipo de Arelar.
Agardamos que vos guste este pequeno vídeo descritivo:
O pasado 6 de novembro tivo lugar na aula da natureza de Lourenzá, a visita guiada da exposición “O noso mundo, o noso futuro, a nosa opción”, con alumnado de 3º ciclo de Educación Primaria do CEIP Juan Rey, e a través da cal, puideron reflexionar, xogar e interactuar en base aos contidos plantexados na exposición.
O proceso educativo xerado foi moi productivo e permitiu abordar reflexións moi interesantes sobre os impactos do cambio climático, as causas que o orixinan e as solucións para minimizar os seus efectos, tanto a nivel local, coma global. O grao de implicación do alumnado foi extraordinario, o que fixo que se alongara o tempo de traballo co grupo, debido ao enorme interese e motivación amosada.
Arelar desenvolveu a parte técnica da visita guiada.
Aqui compartimos o rap do “+ Q Fútbol” xordido dos participantes do propio proxecto e coa colaboración do grupo, “olímpicos”, algúns dos seus membros asiduos participantes no proxecto.
Dende a creación deste rap amósanse os valores e ideas centrais do proxecto, dun xeito que conecta coa mocidade e elaborado polos propios mozos e mozas.
No desenvolvemento do “+ Q Fútbol” xorden procesos paralelos de gran interese e potencialidade educativa. Este rap é un claro exemplo.
