Archives

Proxecto de voluntariado miúdo “Móvete”: Xornada de fin de curso

O pasado 21 de xuño, tivo lugar a xornada lúdica do programa de voluntariado miúdo “Móvete” e que serviu para poñer colofón ao programa neste curso escolar. A xuntanza tivo lugar no Albergue Xuvenil de Gandarío, e reuniu a 110 alumnos e alumnas dos 3 centros participantes (CEIP A LOMBA, CEIP DAS FONTIÑAS E CPI VIRXE DA CELA).

Ao longo da xornada o alumnado defrutou dunha aventura solidaria, elaborou un gran mural e defrutou de xogos na praia, sempre dende unha perspectiva colaborativa e reforzando os valores solidarios presentes en todo o programa.

Ao longo da xornada contamos coa presenza da Directora Xeral de Xuventude, Participación e Voluntariado Cecilia Vázquez,  que acompañou ao alumnado e profesorado para poñer fin á xornada, e facer entrega dos diplomas acreditativos .

Neste enlace pode ver algunhas das mellores imaxes da xornada

As habilidades sociais: Un marco para o desenvolvemento integral dos nosos fillos e fillas

Onte tivo lugar a primeira sesión do obradoiro de habilidades sociais dirixida a nais e pais da ANPA As Brañas do CEIP Ramón Cabanillas, e no que se traballou ao redor da aprendizaxe das habilidades sociais nos procesos educativos dos nosos fillos e fillas. Establecéronse habildiades sociais relevantes na vivencia de pais e nais, o que deu pe a cosntrución de casos para o traballo práctico en profundidade na vindeira sesión.

Na sesión tamén participou profesorado do centro, o cal enriqueceu enormemente o traballo do obradoiro ao permitir abordar a tarefa educativa no contexto escolar e ser compartida entre profesorado nais e pais.

O vindeiro martes 10 de maio remata o obradoiro impartido por arelar.

Aqui tedes un enlace da nova no blog da ANPA do centro.

Obradoiro de habilidades sociais para nais e pais

Xornada de convivencia de mozos e mozas da RCES

 

Esta fin de semana ven de celebrarse, no albergue La Salle de Santiago, a xornada de convivencia 2016, na que 19 mozos e mozas de diferentes centros da RCES, participaron na dinámica de traballo programada dende unha perspectiva de empoderamento da mocidade e de proactividade para a mellora constante do programa dende os seus propios protagonistas.

O resultado desta dinámica foi determinar as accións para conmemorar o Día Internacional do Voluntariado, e propostas de actividades e cartel para o encontro de alumnado da RCES para o mes de maio.

Por outra banda, a visita ao Albergue e centro sociocultural Xoan XXIII, foi un espazo moi útil para a sensibilización e análise da problemática dos “sen teito”, e que pode facer un centro educativo dende a óptica solidaria e de dignificación deste colectivo.

Na noite do sábado celebrouse un xogo temático “na procura do espiruito solidario” o cal foi moi divertido e cheo de emoción na procura de valores solidarios nun contexto lúdico.

Arelar desenvolveu a coordinación técnica desta xornada de convivencia que xerou unha gran cantidade de propostas para a mellora do programa.