Category Archives: DIVERSIDADE FUNCIONAL

O Obradoiro “Comparte e expresa” chega a ASPANAS

O pasado 14 e 15 de setembro celebrouse no centro ocupacional de Aspanas en Velle (Ourense) o obradoiro de mellora das habilidades comunicativas “Comparte e expresa” e que estivo dirixido a un grupo de 14 usuarios e usuarias do centro, para aprender a falar en público e mellorar as súas habilidades sociais e de comunicación.

O grupo estivo moi motivado e participativo de cara a a traballar os diferentes contidos do curso, cunha gran compoñente dinámica e práctica, que facilita a preparación de comunicacións en público, ben en centros educativos, encontros de autoxestorxs, eventos da entidade, etc….

Estes obradoiros son promovidos por FADEMGA  e levan desenvolvéndose ao longo destes meses por diferentes entidades de Galicia, e son impartidos por Arelar.

Aprendemos a mellorar a nosa comunicación

Hoxe ven de rematar o obradoiro de comunicación “Comparte e expresa” impulsado por FADEMGA e que se celebrou ao longo do dia 19 e 20 de xuño na sede da Asociación Chamorro (Narón). O curso foi dirixido ao grupo de 16 autoxestores da entidade, e tiña como obxectivo a mellora das destrezas e competencias comunicativas do grupo de cara ao proceso de falar en público, ben en actos da propia entidade, como para o seu desenvolvemento persoal e mellora comunicativa.

O grupo foi trementamente participativo e amosou un elevado nivel de implicación en todo o proceso, adicando gran parte do tempo a realizar exercicios prácticos destinados a descrición das actividades que fan na súa asociación e á preparacion dunha presentación sobre a reivindicación dos seus dereitos como cidadanía activa, poñendo especial fincapé naquelas cuestións que máis lle preocupan.

O curso foi impartido por Arelar, sendo o primeiro dunha serie de obradoiros que ao longo deste verán, se desenvolverán por diferentes entidades vencelladas a FADEMGA.

O obradoiro “Comparte e expresa!” desenvolveuse en aceesca con gran éxito

Esta semana tivo lugar o obradoiro”Comparte e expresa” que impartiu arelar na sede de aceesca de O Porriño para un grupo de 16 usuarios e usuarias con diversidade intelectual desta entidade, para a mellora das súas destrezas comunicativas.

O obradoiro tivo unha compoñente eminentemente práctica e promoveu diversos exercicios prácticos dirixidas a aprender a organizar as ideas e a desenvolver exercicios prácticos moi próximos a súa realidade cotiá, ben dende o grupo de autoxestores ou dende outros espazos e iniciativas de aceesca.

O grupo participante amosou en todo momento unha actitude moi participativa e desenvolveu exercicios prácticos de gran calidade e moito interese para a súa aplicabilidade nos seus contextos cotiás.

Esta iniciativa foi promovida por FADEMGA que leva impulsando esta formación por diversas entidades asociadas.