No marco do programa Voluntariado Miúdo impulsado pola Dirección Xeral de Xuventude, Participación e Voluntariado, estanse a desenvolver unha serie de obradoiros denominados “Solidaridade con mensaxe” dirixidos a crear mensaxes e lemas vencellados aos proxectos de voluntariado que cada centro desenvolve dende ámbitos temáticos moi diversos.
O alumnado e o profesorado están a respostar moi ben a estes obradoiros que permiten traballar creativamente ao redor dos obxectivos que cada proxecto pretende implementar.
Como resultado final cada centro levará para o seu centro un cartel en cartón pluma cun deseño vencellado ao significado do lema xerado nos obradoiros.
Arelar é a entidade que desenvolve a coordinacion técnica do Voluntariado Miúdo e a realización destes obradoiros.