Category Archives: VOLUNTARIADO

Xuntos e xuntas contribuímos a un mundo mellor!

O programa “Voluntariado Miúdo: Móvete” desenvolveuse ao longo do curso 2020-21 dende unha perspectiva de fortalecemento da rede dos centros implicados e tendo como premisa fundamental a adecuación ás medidas hixiénico-sanitarias que permitiran un correcto desenvolvemento do proxecto e dos seus obxectivos neste contexto de pandemia derivado da COVID-19.

Tódolos centros participantes tiveron que adaptar os seus proxectos a esta nova realidade, e deste xeito as ferramentas virtuais, as actuacións dende grupos burbullas, ou a reinvención de novas iniciativas que non precisaran de interaccións grupais foron o fío condutor dos proxectos.

O encontro virtual celebrado o 28 de maio foi reflexo deste traballo e da consolidación da rede de Voluntariado Miúdo a pesares da distancia.

Outros dos elementos fundamentais do programa neste curso foi a elaboración do material recompilatorio dos proxectos de cada centro, titulado “Xuntos e xuntas contribuímos a un mundo mellor”.

Dende este material podemos recoller a esencia dos proxectos dos centros participantes e os rasgos identificativos de cada proxecto no que o alumnado asume un protagonismo central na vertebración dos mesmos.

Ler máis…

O Voluntariado Miúdo celebra un encontro virtual para compartir experiencias

 O pasado venres tivo lugar o Encontro Virtual do programa “Voluntariado Miúdo: Móvete” na que os 6 centros participantes puxeron en valor os seus proxectos solidarios e de acción voluntaria impulsados ao longo deste curso escolar marcado pola pandemia da COVID-19,  e que a pesar dos condicionantes lograron levar adiante iniciativas tremendamente interesantes e necesarias.

Deste xeito, no encontro virtual no que participaron 10 aulas dos diferentes centros, compartíronse proxectos moi diversos vencellados á creación de recursos didácticos para alumnado de diversidade funcional, o coidado do medio, a atención de necesidades básicas a través de campañas solidarias, a atención ás persoas maiores e o traballo de sensibilización da comunidade educativa foron algún dos eidos sobre os que versaron os diferentes proxectos presentados.

Ler máis…

Voluntariado Miúdo fortalece a súa rede no contexto de pandemia

O programa “Voluntariado Miúdo: Móvete” adapta o seu formato de traballo debido aos cambios que xenerou na nosa sociedade e no sistema educativo a convivencia coa COVID-19.

Os tradicionais obradoiros e encontros presenciais dos centros participantes na Cidade da Cultura, dá paso a outro plantexamento que pon en valor dous aspectos fundamentais para adaptarse a esta nova situación: A contorna virtual como espazo de aprendizaxe e interacción e o fortalecemento da rede de centros que conforman o Voluntariado Miúdo.

Deste xeito, o programa establece unha serie de actuacións:

Ler máis…