Category Archives: PARTICIPACIÓN XUVENIL EN TEO

II Foro da mocidade de Teo: Un espazo para a participación social

Vense de celebrar a pasada fin de semana o II Foro da Mocidade de teo, e que serviu como espazo para o debate e a participación en torno a diversos temas de interese para a mocidade.

Neste Foro, analizáronse estratexias para a comunicación coa mocidade, determinando estratexias e ferramentas para a comunicación. Así mesmo, establecéronse novas propostas de actividades para este curso escolar así como novos formatos que debe de adoptar o Foro da Mocidade de Teo no seu proceso de evolución.

Arelar desenvolveu a dinamización deste Foro.

O Foro da Mocidade de Teo: Un órgano para a participación activa da mocidade

O pasado sábado 9 de abril, tivo lugar o I Foro da Mocidade de Teo, no que os mozos e mozas participantes traballaron ao redor de 67 propostas de actividades a incluír na programación para o curso 2016/2017, establecendo 5 ámbitos de  traballo: Cultura / Deporte / Medioambiente e consumo responsable / Formacion e emprego / Outro

Ademais analizáronse 11 posibles criterios de ponderación das actividades, o que deu pé a un proceso de priorización para determinar as 5 actuacións que se incluirán na programación para o vindeiro curso.

 

Este Foro da Mocidade é froito das medidas incluidas no plan de acción do  estudo diagnóstico realizado por Arelar.

IMG_4557

 

o vindeiro 9 de abril dá comezo o Foro da Mocidade do concello de Teo

O vindeiro 9 de abril terá lugar a primeira sesion do Foro da Mocidade do Concello de Teo, e que é o resultado da posta en marcha das primeiras iniciativas saídas do estudo diagnótico realizado por Arelar, sobre a situación da mocidade no no concello e o seu nivel de participación no plano social, cultural e deportivo no concello.

Deste estudo saiu un plan de accion 2016-2019, e no que se establecen unha serie de liñas de acción para aplicar neste periodo e mellorar o empoderamento, e a participación da mocidade como axentes dinamizadores da súa contorna.

Unha das primeiras medidas a aplicar é a creacion do Foro da Mocidade, no proceso de creación de órganos de decisión propios. Deste Foro sairán as propostas que configuren a programación de actividades para a mocidade no exercicio 2016-2017.

foto pps teo 1

Imaxe da rolda de prensa  extraida de El Correo Gallego (17/03/2016)