Comezan as sesións de teatro foro nos institutos de Compostela

Esta semana deu comezo no Xelmirez II, as primeiras sesións de teatro foro, referidas ao proxecto de educación emocional que emprega esta metodoloxía escénica como instrumento para traballar e abordar a xestión emocional e a expresión das nosas emocións, a partires dunha peza de teatro foro que tenta retratar a realidade que viviu a adolescencia ao longo desta pandemia.

Ao longo deste trimestre desenvolveranse diferentes representacións da peza “Escoita” que se converte nunha ferramenta para a educación emocional do alumnado, e que parte da diagnose feita ao final do curso pasado, sobre as vivencias do alumnado neste periodo de pandemia.

O teatro foro como recurso na educación emocional do alumnado

O nte tivo lugar a rolda de prensa do proxecto de teatro foro que impulsa o Concello de Santiago nos centros de educación secundaria de Compostela co afinalidade de crear unha ferramenta para a educación emocional do alumnado, tomando como partida situacións e vivencias vencelladas á pandemia e os seus impactos emocionais.

O proxecto de teatro foro, desenvólvese neste curso académico dun xeito diferente ao que viña sendo común antes da pandemia, no que o alumnado participaba do proceso creativo das pezas de teatro foro creando as personaxes e as situacións en base á tematica que cada grupo elixía, para posteriormente desenvolver as sesións de teatro foro no seu centro.

Neste curso, o proceso creativo das pezas foi diferente, e partíu ao final do curso pasado da recollida das percepcións e vivencias do alumnnado ao longo da pandemia (a través dun obradoiro de educación emocional) , para identificar situacións concretas e o seu impacto emocional na mocidade.

Deste xeito, un grupo de educadores e educadoras de Arelar desenvolve á representacion das pezas e guía as sesións de teatro foro, para permitir a reflexión e análise do vivido, a través de escenas que permitan a aprendizaxe emocional do alumnado, propoñendo interpretacións que permitan axudar aos personaxes a unha mellor xestión emocional das situacións escenificadas.

O proxecto de teatro foro, desenvólvese ao longo deste trimestre en 4 institutos Compostelás, se ben está aberto a novas solicitudes.

Arelar coordina a parte técnica do proxecto que promove a Concellaría de Mocidadade e Educación do Concello de Santiago.

Presentación da campaña “Vas Picar? Mocidade libre de apostas”

Ven de presentarse esta mañá a campaña “Vas picar?.Mocidade libre de apostas” dirixida á prevención da adicción aos xogos de azar na mocidade e que promove a Concellaría de Mocidade do Concello de Santiago.

A campaña vai dirixida a sensibilizar en torno aos elementos qeu rodean a adiccion ao xogo de azar, e poñendo esepcialmente o foco nos mozos e mozas menores de idade, como obxectivo prioritario da campaña preventiva.

A campaña xira en torno a 3 eixos, a creación dunha mensaxe e unha estética que conecte coa mocidade Compostelá,  a taballo comunitario coa mocidade a través dos centro educativos (coa realización de obradoiros) e a adhesión á campaña de entidades sociais, culturais, educativas e deprotivas da cidade, e a divulgación da mensaxe dende as plataformas virtuais da campaña (www.eunonpico.gal e as suas redes sociais).

Ler máis…