O vindeiro 30 de setembro terá lugar o “Día da Mocidade Inqueda”, e que será o reflexo final do proxecto desenvolvido ao longo deste verán, no que diversos mozos e mozas da cidade tiveron parte activa na transmisión das súas inquedanzas a través de diversos formatos : teatro foro, radio, audiovisual, procesos participativos, e que ten como obxectivo principal que a mocidade lucense asuma o protagonismo naquelas cuestións que son do seu interese (actividades de ocio, problemáticas socioeducativas, comunicar a través de diversos medios, etc…).
Archives
Teatro foro: Un instrumento para abordar o ciberacoso
No proxecto “Mocidade inqueda” estase a realizar un teatro foro co titulo “ciberacoso” e que pretende facer reflexionar sobre esta problemática a partir dunha problemáticas que se presenta en escena, e que busca atopar alternativas para dar apoio á vitima, o rol que deben de xogar os diferentes observadores dunha situación de ciberacoso, etc…
Lugo activa a “Mocidade inqueda”
Ven de dar comeza o proxecto “Mocidade inqueda”, un proxecto que pretende ser unha canle de participación e plasmación das inquedanzas e intereses da mocidade de Lugo, a través de diversos formatos creativos diferentes.
Deste xeito, o teatro, o audiovisual e a radio serán os mecanismos a través dos cales a mocidade dará renda solta as súas inquedanzas e necesidades, dun xeito dinámico e creativo, o que permitirá realizar un proxecto que visibilice os intereses xuvenís en temáticas tan diversas como a convivencia, o deporte, as novas tecnoloxías, a saúde, o ocio e a cultura.