Archives

O afrontamento das opresións dende o teatro foro

Arelar está a traballar  nos institutos de Compostela, nun proxecto de intervención socioeducativa ao redor do teatro foro como ferramenta para a abordaxe educativa de diversas problemáticas que afectan dun ou doutro xeito á mocidade. A Concellaría de Mocidade do Concello de Santiago,  é a impulsora do proxecto e no que participan na actualidade 4 institutos de Compostela (IES As Fontiñas, IES Rosalía de Castro, IES Sar e IES Pontepedriña). O proxecto vai dirixido tanto a alumnado de educación secundaria como de FP Básica, e está a permitir abordar problemáticas tan diversas como as drogodependencias, a saúde mental, o consumismo, a adicción ás pantallas e aos xogos de azar e apostas ou o acoso escolar.

O proxecto ten unha compoñente claramente participativa por parte do alumnado, xa que  é o que deseña coa axuda dos e das educadoras sociais, os contextos e as realidades opresoras, sobre as que o alumnado debe de traballar, reflexionar para finalmente transformar.

Este proceso de participación e implicación permite que o alumnado se mergulle na realidade elixida e permite multiplicar o proceso vivencial e educativo ao redor de cada unha das problemáticas sobre as que se traballa no proxecto.

En definitiva, o alumnado traballa ao redor dun proxecto transformador que serve de recurso educativo para a  sensibilización e formación do alumnado para afrontar moitas destas realidades que afectan dun ou doutro xeito ao alumnado Compostelá.

 

“Non necesito un príncipe”

“Non necesito un principe” é o título da peza de teatro foro que está a preparar o alumnado de 2º de ESO do CPI de Zas dende o mes de xaneiro e que aborda o problema das condutas homófobas  a través dunha peza creada polo alumnado e que está agora na última fase de ensaio para poder representar ante outros compañeiros e compañeiras do seu centro educativo.

O alumnado de 2º de ESO está a desenvolver un extrarordinario traballo tanto na fase creativa como na fase de ensaio, na que o alumnado está a asumir diferentes roles moito máis alá da tarefa interpretativa.

Ler máis…

O teatro comunitario brila en Boqueixón

Nesta fin de semana ven de estrear o Club de Maiores de Boqueixón a peza “Un morto moi vivo”, unha comedia que aborda as peripecias dun home avarento que simula a súa morte para emprender unha nova vida noutros lares.

A peza tivo unha exrtaordinaria acollida por parte da veciñanza de Boqueixón que arropou ao grupo de teatro ao longo de toda a obra, creando unha atmósfera moi acolledora.

Esta experiencia amosa o potencial do teatro comunitario, feito por veciños e veciñas para a súa comunidade, xerando un espectáculo cultural co que se identifica toda a comunidade.

Pero ademais, o teatro dende esta experiencia impulsada polo Club de Maiores de Boqueixón permite observar a potencialidade do teatro como actividade de envellecemento activo das persoas maiores, mantendo unha actividade extraordinaria a nivel psicoloxico, físico e emocional que reporta múltiples beneficios para as persoas maiores.

Ler máis…