Archives

Mocidade implicada no medio ambiente

Este fin de semana tivo lugar un obradoiro de compostaxe  no marco do proxecto ECO-LÍDER, dirixido ao empoderamento xuvenil de Boqueixón no eido ambiental, e que impulsa a asociación cultural e xuvenil Muíños.

O proxecto desenvolve diversas liñas de accción. Unha delas ten que ver coa realización dunha campaña de sensibilizacion da cidadanía hacia a compostaxe doméstica.  O obradorio realizado esta fin de semana serviu para sentar as bases da campaña tras un traballo previo dirixido a resolver dúbídas e coñecer o proceso de compostaxe.

Arelar coordina as accións técnicas deste proxecto.

Comeza o campamento CREA

Hoxe deu comezo o campamento Recreativo e Ambiental (CREA) organizado polo  Concello de Boqueixón, dirixido a mozos e mozas de 12 a 16 anos e que teñen como finalidade a creación dun espazo lúdico-educativo vencellado ao patrimonio cultural e ambiental que rodea á mocidade do concello.

Ao longo do campamento o grupo de mozos e mozas desenvolverán diversas liñas de traballo vencelladas á xestion de residuos, á posta en valor do patrimonio natural e cultural do concello de Boqueixón, e a promoción de proxectos locais sustentables, entre outros.

Neste percorrido lúdico-educativo a mocidade participante no campamento terá un protagonismo moi claro na elaboración de materiais e recursos que sirvan para a sensibilización medioambiental e a posta en valor do noso patrimonio natural e cultural.

Arelar participa como equipo técnico que dinamiza o campamento.

 

O Voluntariado Miúdo celebra un encontro virtual para compartir experiencias

 O pasado venres tivo lugar o Encontro Virtual do programa “Voluntariado Miúdo: Móvete” na que os 6 centros participantes puxeron en valor os seus proxectos solidarios e de acción voluntaria impulsados ao longo deste curso escolar marcado pola pandemia da COVID-19,  e que a pesar dos condicionantes lograron levar adiante iniciativas tremendamente interesantes e necesarias.

Deste xeito, no encontro virtual no que participaron 10 aulas dos diferentes centros, compartíronse proxectos moi diversos vencellados á creación de recursos didácticos para alumnado de diversidade funcional, o coidado do medio, a atención de necesidades básicas a través de campañas solidarias, a atención ás persoas maiores e o traballo de sensibilización da comunidade educativa foron algún dos eidos sobre os que versaron os diferentes proxectos presentados.

Ler máis…