Archives

O “EMOTIRADIO” como ferramenta para a expresión emocional

Ven de presentarse ante os medios o obradoiro “Emotiradio”, unha actividade dirixida a mozas e mozos de 12 a 16 anos, que está concebida como un recurso educativo que emprega o medio radiofónico para facilitar a expresión emocional da mocidade, e que permita expresar inquedanzas, desexos ou opinións en torno as súas vivencias, moi marcadas pola pandemia ao longo deste ano e medio.

O “Emotiradio” é unha actividade que está promovida pola Concellaría de Xuventude e pola Concellaría de Servizos Sociais do Concello de Vilagarcía de Arousa, e pretende ofrecer unha actividade de ocio, ao tempo que ofrece un recurso para a educación emocional dos mozos e mozas de Vilagarcía, permitindo crear un programa radiofónico no formato podcast, ao tempo que desenvolven unha aprendizaxe emocional partindo dos seus propios centros de interese.

Ler máis…

Comeza o campamento CREA

Hoxe deu comezo o campamento Recreativo e Ambiental (CREA) organizado polo  Concello de Boqueixón, dirixido a mozos e mozas de 12 a 16 anos e que teñen como finalidade a creación dun espazo lúdico-educativo vencellado ao patrimonio cultural e ambiental que rodea á mocidade do concello.

Ao longo do campamento o grupo de mozos e mozas desenvolverán diversas liñas de traballo vencelladas á xestion de residuos, á posta en valor do patrimonio natural e cultural do concello de Boqueixón, e a promoción de proxectos locais sustentables, entre outros.

Neste percorrido lúdico-educativo a mocidade participante no campamento terá un protagonismo moi claro na elaboración de materiais e recursos que sirvan para a sensibilización medioambiental e a posta en valor do noso patrimonio natural e cultural.

Arelar participa como equipo técnico que dinamiza o campamento.

 

O apalpador pasou por Rodeiro

O apalpador chegou a Rodeiro para encher de felicidade e música a entrada do novo ano

Onte pasou o apalpador por Rodeiro, e acompañado polo seu trovador Servando, viñeron dende os Ancares para compartir un momento cheo de ledicia e respecto pola natureza.

Como agasallo, o apalpador deu unha landra a cada neno e nena para que prantar un carballo e enriquecer asi os nosos montes desta querida árbore tan nosa.

Esta actividade estivo enmarcada dentro do campamento de Nadal que se desenvolve no Concello de Rodeiro e permite propiciar a conciliación laboral e familiar ao tempo que xerar un espazo de ocio e diversión con clara vocación educativa.

Ler máis….