Patrimonio, cine e diversión en Rodeiro

Ao longo deste verán arelar veu coordinando o desenvolvemento dun espazo lúdico e educativo para os nenos e nenas do Concello de Rodeiro, no que dun xeito ameno e divertido, puideron investigar e coñecer múltiples aspectos vencellados ao patrimonio local. Concretamente, estableceuse un xogo que permitiu descubrir múltiples aspectos patrimoniais, como son a Tulla de Fafián, os Castros e as mámoas existentes ao longo do concello.
O xogo incluiu visitas in situ a cada espazo ou achegas en 3D, segundo os casos.

Ademais ao longo do proxecto, realizouse unha curtametraxe titulada “o bufón e a pantasma”, creada e protagonizada polos nenos e nenas.

Ademais ao longo de todo o verán, desenvolvéronse diversas actividades deportivas, acuáticas, excursións, de animación á lectura, etc… e que tiverón o seu colofón coa celebración dun festival final onde prepararon un baile, e sepresentaron os videos do proxecto e a curtametraxe preparada.