O pasado 9 de novembro deu inicio o obradoiro de radio no centro sociocultural de Conxo, para desenvolver un programa de radio con  perspectiva comunitaria, na que se aborden diferentes contidos dirixidos a coñecer o barrio dende unha óptica xuvenil e diferente.

Asi mesmo, o programa de radio resultante será un espazo para dar resposta a diversas inquedanzas da mocidade do barrio.  Nas primeiras sesións traballarase na elaboración da estructura de contidos e o guión do programa, para logo proceder a gravación do mesmo e crear o podcast definitivo.

Arelar desenvolve a coordinación técnica do proxecto

“A mocidade nas ondas” é un proxecto que Arelar desenvolveu conxuntamente en 3 concello galegos (Vedra, Boqueixón e Vila de Cruces) e que permitiu a mozos e mozas destes concellos experimentar na creación dun progama radiofónico dende unha perspectiva comunitaria e na que puideron indagar tamén nos seus intereses e inquedanzas.

O resultado final foi un podcast cun progama radiofónico froito da elaboración da mocidade e na que o elemento central é a visión xuvenil sobre o seu concello, ou aquelo que lle rodea.

Para a elaboración dos programas conformouse en cada concello un equipo de traballo de mozos e mozas que traballaron no deseño do programa, elaboración de contidos, gravación de cuñas publicitarias, elaboracion de reportaxes, etc…

O resultado final foron 3 programas de radio, xenuinos e dinámicos, que reflicten perfectamente o proceso de traballo elaborado. (“Somos Vedra”, “Boqueixove en onda” e “Crucesmanía”)

Deixámosvos aqui unhas mostras.dos mesmos:

Boqueixove en onda

Somos Vedra

O “crucesmanía” podes escoitalo premendo aqui abaixo: