Archives

Aprendendo a afrontar positivamente os conflitos

Hoxe deu comezo o obradoiro de resolución pacífica de conflitos que Arelar está a impartir en ASPRONAGA, en Oleiros, e que ao longo de 4 sesións permitirá a un grupo de 14 usuarios e usuarias da entidade a reflexionar e aprender a resolver pacificamente os conflitos que poidan xurdir no seu día a día.

Este obradoiro está  impulsado por FADEMGA e que seleccionou a ASPRONAGA como entidade para desenvolver este obradoiro durante un total de 12 horas ao longo destas 2 semanas.

O obradoiro pretende que os usuarios e usuarias da entidade aprendan a entender o que é un conflito, aprender habilidades moi necesarias para o afrontamento positivo dos mesmos e identificar estratexias útiles para xerar alternativas que permitan resolver satisfactoriamente o conflito para ambas partes.

O obradoiro ten unha compoñente moi práctica, e a través de dramatizacións e estudo de casos, abordar dun xeito práctico e vivencial como resolver conflitos que lles tocan na súa realidade cotiá.

 

 

Mellorando as habilidades de comunicación no marco do “Aténdeme-Enténdeme”

O pasado venres tivo lugar unha sesión formativa para as persoas integrantes do programa “Aténdeme- enténdeme”, e que pretendeu mellorar as súas competencias comunicativas de cara a preparar as presentacións dirixidas ao persoal sanitario dos centros de saúde. Estas exposicións teñen como obxectivo mellorar a esfera comunicativa do persoal sanitario á hora de atender a doentes con discapacidade intelectual ou do desenvolvemento, identificando problemáticas que acontecen e achegando outros modos de actuación que sexan máis satisfactorios.

Na sesión formativa participaron 8 equipos de outras tantas entidades (conformados por usuarios e usuarias, familiares e persoal técnica de cada entidade) que participan do “Aténdeme-enténdeme” e que amosaron moito interese nos diferentes contidos abordados ao longo da sesión formativa, incidindo sobre todo na autodiagnose de cada equipo en canto as súas competencias comunicativas, e o afrontamento práctico de mensaxes concretas a trasladar ao persoal sanitario de cada centro de saúde.

Esta sesión formativa terá continuidade unha vez as diferentes equipas do “Aténdeme-enténdeme” teñan avanzado na preparación das súas exposicións.

 

O Obradoiro “Comparte e expresa” chega a ASPANAS

O pasado 14 e 15 de setembro celebrouse no centro ocupacional de Aspanas en Velle (Ourense) o obradoiro de mellora das habilidades comunicativas “Comparte e expresa” e que estivo dirixido a un grupo de 14 usuarios e usuarias do centro, para aprender a falar en público e mellorar as súas habilidades sociais e de comunicación.

O grupo estivo moi motivado e participativo de cara a a traballar os diferentes contidos do curso, cunha gran compoñente dinámica e práctica, que facilita a preparación de comunicacións en público, ben en centros educativos, encontros de autoxestorxs, eventos da entidade, etc….

Estes obradoiros son promovidos por FADEMGA  e levan desenvolvéndose ao longo destes meses por diferentes entidades de Galicia, e son impartidos por Arelar.