Archives

A transexualidade dende a óptica do teatro foro

Arelar leva dinamizando dende finais do ano pasado un proxecto de teatro foro, promovido polo Concello de Teo, dirixido a analizar, sensibilizar e procurar alternativas para afrontar as situacións de opresión que en ocasións, sofren aquelas persoas que se atopan nun corpo que non é o que lle corresponde. Toda esta “loita interior” leva consigo asociada a procura da comprensión por quen rodea á persoa transxénero: familia, amizades, alumnado do instituto, profesorado, etc….

A procura do apoio, a comprensión e poder exercer os nosos dereitos son os eixos sobre os que un grupo de 10 alumnos e alumnas do IES cacheiras levan traballando, para representar unha serie de sesións de teatro foro cos seus propios compañeiros e compañeiras, para abordar a realidade LGTB, dende a construción dunha peza teatral que tenta describir unha realidade  que precisa da nosa implicación e compromiso.

ler máis…

O teatro foro como instrumento para o traballo en valores nos centros educativos da cidade

Ven de presentarse hoxe dende a Concellaría de Mocidade do Concello de Santiago, o proxecto de “Teatro-Foro” que se está a desenvolver como proxecto piloto en 3 centros educativos da cidade (IES Xelmirez I, IES Xelmirez II e IES Pontepedriña).

O obxectivo deste proxecto reside en poder impulsar esta metodoloxía innovadora nos centros educativos como mecanismo para traballar problemáticas socioeducativas desde unha perspectiva transformadora, e de cambio da realidade, construíndo realidades de personaxes perfectamente achegados á realidade, e onde se pode abordar situacións moi diversas vencelladas á violencia de xénero, o acoso escolar, a prevención de drogodependencias, etc…

Ler máis….

A educación en valores dende o teatro foro

Ao longo deste curso escolar, o departamento de Mocidade do Concello de Santiago está a impulsar un proxecto piloto de teatro foro en diversos centros educativos da cidade. O obxectivo é impulsar a realización dun teatro foro ao redor de temáticas de interese para alumnado e profesorado, empregando o teatro foro como instrumento canalizador. Nesta fase do proxecto o IES Xelmirez I, IES Xelmirez II e IES Pontepedriña, participan do proxecto creando diversas pezas teatrais para abordar denden esta metodoloxía pertencente ao teatro do oprimido de Augusto Boal.
As temáticas son diversas e permiten traballar ao redor de situacións moi próximas á realidade do alumnado participante. Deste xeito, o ciberacoso, a violencia de xénero ou a prevención de drogodependencias son algúns dos eixos vertebradores dos diferentes teatros foros.

Ler máis…