Archives

“A experiencia conta”: Un camiño de inclusión e aprendizaxe compartida

Ven de iniciarse a segunda edición deste programa interxeracional que pretende por en valor os espazos de aprendizaxe interxeracional na que persoas de distintas idades e procedencias traballan en conxunto para facer un programa radiofónico que dea resposta as inquedanzas e intereses dun grupo tan heteroxéneo e diverso.

Nesta edición participan no proxecto entidades moi diversas (AFA Mnforte, Cáritas Monforte, Centro Valladares de Vigo, A Fundación Amigos dos Maiores, cruz Vermella Betanzos ou AFundación son as primeiras entidades implicadas no proxecto) , que culminarán coa elaboración dos diferentes programas de radio e coa presentación do proxecto no marco do Congreso Estatal de Voluntariado que se celebrará en Galicia a finais de novembro.

O proxecto “A Experiencia Conta” é promovido pola Dirección Xeral de Xuventude, Participación e Voluntariado e está coordinado por Arelar e Laboratorio de Radio.

O voluntariado ambiental mecanismo para a participación social

dende o día 28 de maio e ate o 1 de xuño, estase a celebrar un curso de formación promovido pola Dirección Xeral de Xuventude, Participación e Voluntariado, centrado no “Voluntariado ambiental” e que pretende formar a voluntariado e persoas vencelladas a entidades de acción voluntaria a hora de desenvolver proxectos e accións de voluntariado ambiental.

É por iso que o curso conta cun plantexamento eminentemente práctico, no que tralas 20 horas de formación, as persoas participantes elaborarán un proxecto de voluntariado ambiental no que teñan en conta as claves fundamentais para un proxecto de voluntariado ambiental de calidade.

Ler máis…

Radioencontro “A experiencia conta”: un espazo para a aprendizaxe interxeracional

Onte veu de celebrarse o radioencontro “A experiencia conta”, como colofón dun proxecto interxeracional no que se empregou a radio como instrumento de traballo para a creación compartida de aprendizaxes e vivencias entre persoas de diferentes xeracións, demostrando que a interxeracionalidade é un valor con gran impacto socioeducativo.

No proxecto “a experiencia conta” participaron diversas entidades para a creación dos diferentes programas radiofónicos: Concello de Vedra, Residencia As Dores (Lalín), ASociación Cultural O castro de Baión (Vilanova de Arousa), Centro de Maiores de Afundación de Betanzos, Cruz Vermella de Betanzos, CEIP Ramón Falcón (Castro de Rei), e Residencia San Xoan (Castro de Rei) foron os protagonistas desta experiencia interxeracional que tivo o seu culmen no radioencontro celebrado na Cidade da Cultura.

Ler máis…