Archives

O encontro de voluntariado miúdo permite compartir experiencias e proxectos

O pasado venres 3 de xuño os centros participantes no voluntariado miúdo participaron nun encontro que misturou a o contexto virtual co presencial, como paso previo ao tan desexado encontro presencial do alumnado para o vindeiro curso.

Ao longo do encontro sete centros educativos compartiron as súas experiencias e proxectos de voluntariado e solidaridade e que impulsaron ao longo do curso. O resultado final foron proxectos do máis diverso, e que permitiron abordar temáticas tan diversas como o voluntariado ambiental, o voluntariado interxeracional, a inclusión dos cans na aula para o traballo en valores, a diversidade funcional, ou iniciativas solidarias cos habitantes da Palma, entre outras.

Ao encontro asistiron a Directora Xeral de Xuventude, Participación e Voluntariado Cristina Pichel, e a Xefa de Servizo de Voluntariado e Participación Pilar Martínez, para que puideran coñecer de primeira man as diferentes iniciativas do Voluntariado Miúdo.

Presencialmente acudiron á Cidade da Cultura no Salón Xosé Neira Vilas dous centros educativos (CEIP Isidro Parga Pondal e o CEIP San Tomé) para compartir “in situ” os seus proxectos.

Na segunda parte do encontro o alumnado efectuou propostas concretas para o desenvolvemento de vindeiros encontros xa nun formato presencial, e onde se achegaron innumerables ideas e propostas moi interesantes.

 

O Voluntariado Miúdo segue espallando solidariedade e valores

O programa “Voluntariado Miúdo: Móvete” para este curso 2021-2022 está formado por 8 centros educativos de diferentes lugares de Galicia que desenvovlen diversoso proxectos de acción voluntaria co alumnado de educación infantil e primaria, demostrando que o voluntariado ten cabida dende idades ben tempranas e nas que o alumnado adquire valores esenciais para a súa formación integral.

O Voluntariado Miúdo está impulsado pola Dirección Xeral de Xuventude, Participación e Voluntariado e está enmarcado dentro do Plan Proxecta da Conselleria de Educación.  Ao longo deste curso os centros desenvolven diversoso proxectos de acción voluntaria, obviamente condicionados polo protocolo establecido pola Conselleria debido a COVID-19, e que delimita o tipo de accións que dende os centros educativos se poden desenvolver, pero no que finalmente, a persar das dificultades os proxectos están cheos de carga educativa e impactos beneficiosos para afrontar dende o voluntariado, diversas necesidades que o alumnado e profesorado percibe na súa contorna.

Ler máis…

Xuntos e xuntas contribuímos a un mundo mellor!

O programa “Voluntariado Miúdo: Móvete” desenvolveuse ao longo do curso 2020-21 dende unha perspectiva de fortalecemento da rede dos centros implicados e tendo como premisa fundamental a adecuación ás medidas hixiénico-sanitarias que permitiran un correcto desenvolvemento do proxecto e dos seus obxectivos neste contexto de pandemia derivado da COVID-19.

Tódolos centros participantes tiveron que adaptar os seus proxectos a esta nova realidade, e deste xeito as ferramentas virtuais, as actuacións dende grupos burbullas, ou a reinvención de novas iniciativas que non precisaran de interaccións grupais foron o fío condutor dos proxectos.

O encontro virtual celebrado o 28 de maio foi reflexo deste traballo e da consolidación da rede de Voluntariado Miúdo a pesares da distancia.

Outros dos elementos fundamentais do programa neste curso foi a elaboración do material recompilatorio dos proxectos de cada centro, titulado “Xuntos e xuntas contribuímos a un mundo mellor”.

Dende este material podemos recoller a esencia dos proxectos dos centros participantes e os rasgos identificativos de cada proxecto no que o alumnado asume un protagonismo central na vertebración dos mesmos.

Ler máis…