Archives

O “EMOTIRADIO” como ferramenta para a expresión emocional

Ven de presentarse ante os medios o obradoiro “Emotiradio”, unha actividade dirixida a mozas e mozos de 12 a 16 anos, que está concebida como un recurso educativo que emprega o medio radiofónico para facilitar a expresión emocional da mocidade, e que permita expresar inquedanzas, desexos ou opinións en torno as súas vivencias, moi marcadas pola pandemia ao longo deste ano e medio.

O “Emotiradio” é unha actividade que está promovida pola Concellaría de Xuventude e pola Concellaría de Servizos Sociais do Concello de Vilagarcía de Arousa, e pretende ofrecer unha actividade de ocio, ao tempo que ofrece un recurso para a educación emocional dos mozos e mozas de Vilagarcía, permitindo crear un programa radiofónico no formato podcast, ao tempo que desenvolven unha aprendizaxe emocional partindo dos seus propios centros de interese.

Ler máis…

Teatro foro: Unha ferramenta para abordar os impactos emocionais derivados da COVID-19

O proxecto de teatro foro para a educación en valores, que impulsa dende fai varios anos o departamento de mocidade do Concello de Santiago de Compostela, nesta nova edición traballará ao redor da abordaxe dos impactos emocionais que na comunidade educativa está a deixar a pandemia da COVID-19,  a través da creación de pezas teatrais que reflictan diversas vivencias e impactos de carácter emocional derivado de tódolos cambios que está a supoñer a tódolos niveis (educativo, familiar e social) esta nova realidade.

Dete xeito as pezas abordaran situacións derivadas desta nova realidade que supoñen unha dificultade ou opresión para o alumnado dende a perspectiva emocional.

Para o desenvolvemento do proxecto estableceranse diversas fases: diagnose, creación das pezas e realización das sesións de teatro foro que terán lugar no que queda de curso 2021-21 e no inicio do vindeiro curso 2021-22.

O obxectivo final do proxecto coordinado na parte técnica por Arelar pretende dotar ao alumnado das ferramentas necesarias para mellorar as súas competencias emocionais:  expresion emocional, conciencia emocional, regulación emocional e competencias sociais.

 

EMPATIZA: Un proxecto para a a aprendizaxe do alumnado na resolución pacífica de conflitos

O proxecto EMPATIZA promovido pola Concellaría de Benestar  Social do Concello de Vilagarcía regresa as aulas, e aqueles centros que o solicitaron, están a desenvolver as sesións co alumnado nestas datas, e sempre seguindo tódalas recomendacións hixiénico-sanitarias derivadas da pandemia da COVID-19,  o que está permitindo que o alumnado de 5º e 6º curso de educación primaria poida aprender a resolver conflitos, e formarse en habilidades básicas para o afrontamento pacífico dos mesmos.

A resposta do alumnado está sendo moi positiva,  e dende unha metodoloxía que se está a adaptar as circunstancias actuais, permite que o alumnado, analice situacións conflitivas cotiáns, reflexione sobre as posicións e necesidades no conflito, e permite que se xeren alternativas para a súa resolución.

En ocasións, o alumnado está a abordar conflitos reais que desexa solucionar, o cal multiplica o impacto do proxecto na realidade do alumnado.

Ler máis…