Archives

A educación emocional a través da radio

Dende o pasado 6 de setembro un grupo de mozos e mozas de Vilagarcía participou no obradoiro EMOTIRADIO. Dentro deste obradoiro a mocidade participante crea diferentes pezas en formato podcast baixo o nome “Vilagarcía sen prexuízos” que pretende ser un espazo radiofónico xuvenil onde a mocidade fai escoitar a súa voz e aborda diversos temas facendo especial fincapé na vertente emocional dos mesmos.

No obradoiro creáronse dúas pezas. A primeira delas consistíu nunha entrevista a fondo co actor Vilagarcián David Seijo e a segunda cun programa con contidos oidiversos pero sempre cunha clara perspectiva emocional,  abordando os impactos emocionais da pandemia, cunha seccion de relatos curtos onde as emocións xogan un papel esencial, ou coa creación dun emocionario.

En definitiva, a radio constituíu unha ferramenta de gran valor para que as mozas e mozos participantes puideran facer un percorrido emocional dende diferentes olladas.

O Emotiradio é unha actividade promovida polo Concello de Vilagarcía, coordinada por Arelar e Laboratorio de Radio e que forma parte dun programa de educación emocional para a adolescencia onde se desenvolven diversas actuacións.

 

                                                            A entrevista con David Seijo

Ondas cheas de emoción en Arzúa

Os rapaces e rapazas de Arzúa están a desenvolver ao longo desta semana a través do proxecto “Emotiradio” un programa radiofónico onde a educación emocional e a posta en valor das xentes de Arzúa son o eixo central.

O proceso de traballo está dando como resultado a creación do programa “Que onda!!” no que a aprendizaxe emocional nestes tempos tan convulsos derivados da COVID-19 resulta esencial para a adaptación a esta nova realidade que estamos a vivir.

O programa está a crear contidos moi variados como entrevistas a persoal sanitario de Arzúa, reportaxes sobre o movemento asociativo da vila ou expereriencias nas que xente de fóra de Galicia pousou a súa ollada no rural para emprender un proxecto de vida apegado á terra.

Os contos de compoñente emocional e recomendacións de libros para unha aprendizaxe das emocións en familia son algúns dos contidos máis relevantes.

A creación dun programa radiofónico por parte das crianzas ten múltiples beneficios  no desenvolvemento de competencias cívicas, lingüísticas e socioemocionais.

O resultado final do proxecto será un podcast que ademais será emitido en Radio Arzúa.

Ler máis…

EMOTIRADIO:A educación emocional como ferramenta esencial nesta nova realidade

O Proxecto “Emotiradio” ten como propósito esencial que a radio sexa un medio canalizador dun traballo emocional cos nenos e nenas de Arzúa, de xeito que as crianzas sexan as protagonistas do seu propio programa radiofónico, no que o traballo de produción de contidos ao redor das emocións será o eixo vertebrador.

As emocións abordaranse dende múltiples perspectivas: contos narrados, entrevistas, reportaxes, etc….

En definitiva, o proxecto creará como produto final un podcast radiofónico xerado no seo da comunidade polas súas propias crianzas e que permitirá visualizar a trascendencia da aprendizaxe emocional en múltiples situacións dentro desta nova realidade que nos toca vivir trala aparición da COVID-19.

Ler máis…