Category Archives: VOLUNTARIADO

“Voluntariado Miúdo”: Un espazo para compartir experiencias solidarias

Ven de celebrarse o Encontro de alumnado de educación primaria participante no programa “Voluntariado Miúdo” e no que se xuntaron 170 alumnos e alumnas no Albergue Xuvenil da Marina Española (Bergondo) para compartir experiencias e proxectos solidarios que impulsan os diferentes centros nos seus contextos.

O Encontro permitíu dun xeito lúdico e dinámico compartir proxectos, actividades e intereses conectados aos proxectos de voluntariado que impulsa cada centro educativo, de forma que diferentes ámbitos de traballo foron compartidos ao longo da xornada. Deste xeito, a interculturalidade e os procesos migratorios, a diversidade funcional, o medioambiente ou as persoas maiores foron os eixos que definiron os diferentes proxectos compartidos.

O programa “Voluntariado Miúdo” é impulsado pola Dirección Xeral de Xuventude, Participación e Voluntariado, e de feito o alumnado tivo a oportunidade de compartir a xornada xunto a Conselleira de Política Social e Xuventude Fabiola García, que puido comprobar de primeira man as diferentes propostas presentadas polo alumnado como protagonistas dos seus proxectos.

Ler máis…

Solidaridade con mensaxe

No marco do programa Voluntariado Miúdo impulsado pola Dirección Xeral de Xuventude, Participación e Voluntariado, estanse a desenvolver unha serie de obradoiros denominados “Solidaridade con mensaxe” dirixidos a crear mensaxes e lemas vencellados aos proxectos de voluntariado que cada centro desenvolve dende ámbitos temáticos moi diversos.

O alumnado e o profesorado están a respostar moi ben a estes obradoiros que permiten traballar creativamente ao redor dos obxectivos que cada proxecto pretende implementar.

Ler máis…

O encontro de voluntariado miúdo permite compartir experiencias e proxectos

O pasado venres 3 de xuño os centros participantes no voluntariado miúdo participaron nun encontro que misturou a o contexto virtual co presencial, como paso previo ao tan desexado encontro presencial do alumnado para o vindeiro curso.

Ao longo do encontro sete centros educativos compartiron as súas experiencias e proxectos de voluntariado e solidaridade e que impulsaron ao longo do curso. O resultado final foron proxectos do máis diverso, e que permitiron abordar temáticas tan diversas como o voluntariado ambiental, o voluntariado interxeracional, a inclusión dos cans na aula para o traballo en valores, a diversidade funcional, ou iniciativas solidarias cos habitantes da Palma, entre outras.

Ao encontro asistiron a Directora Xeral de Xuventude, Participación e Voluntariado Cristina Pichel, e a Xefa de Servizo de Voluntariado e Participación Pilar Martínez, para que puideran coñecer de primeira man as diferentes iniciativas do Voluntariado Miúdo.

Presencialmente acudiron á Cidade da Cultura no Salón Xosé Neira Vilas dous centros educativos (CEIP Isidro Parga Pondal e o CEIP San Tomé) para compartir “in situ” os seus proxectos.

Na segunda parte do encontro o alumnado efectuou propostas concretas para o desenvolvemento de vindeiros encontros xa nun formato presencial, e onde se achegaron innumerables ideas e propostas moi interesantes.