Archives

O “EMOTIRADIO” como ferramenta para a expresión emocional

Ven de presentarse ante os medios o obradoiro “Emotiradio”, unha actividade dirixida a mozas e mozos de 12 a 16 anos, que está concebida como un recurso educativo que emprega o medio radiofónico para facilitar a expresión emocional da mocidade, e que permita expresar inquedanzas, desexos ou opinións en torno as súas vivencias, moi marcadas pola pandemia ao longo deste ano e medio.

O “Emotiradio” é unha actividade que está promovida pola Concellaría de Xuventude e pola Concellaría de Servizos Sociais do Concello de Vilagarcía de Arousa, e pretende ofrecer unha actividade de ocio, ao tempo que ofrece un recurso para a educación emocional dos mozos e mozas de Vilagarcía, permitindo crear un programa radiofónico no formato podcast, ao tempo que desenvolven unha aprendizaxe emocional partindo dos seus propios centros de interese.

Ler máis…

Xuntos e xuntas contribuímos a un mundo mellor!

O programa “Voluntariado Miúdo: Móvete” desenvolveuse ao longo do curso 2020-21 dende unha perspectiva de fortalecemento da rede dos centros implicados e tendo como premisa fundamental a adecuación ás medidas hixiénico-sanitarias que permitiran un correcto desenvolvemento do proxecto e dos seus obxectivos neste contexto de pandemia derivado da COVID-19.

Tódolos centros participantes tiveron que adaptar os seus proxectos a esta nova realidade, e deste xeito as ferramentas virtuais, as actuacións dende grupos burbullas, ou a reinvención de novas iniciativas que non precisaran de interaccións grupais foron o fío condutor dos proxectos.

O encontro virtual celebrado o 28 de maio foi reflexo deste traballo e da consolidación da rede de Voluntariado Miúdo a pesares da distancia.

Outros dos elementos fundamentais do programa neste curso foi a elaboración do material recompilatorio dos proxectos de cada centro, titulado “Xuntos e xuntas contribuímos a un mundo mellor”.

Dende este material podemos recoller a esencia dos proxectos dos centros participantes e os rasgos identificativos de cada proxecto no que o alumnado asume un protagonismo central na vertebración dos mesmos.

Ler máis…

convivencia e a resolución pacífica de conflitos

Dende onte Arelar desenvolve na sede de FADEMGA en Santiago de Compostela un obradoiro dirixida a aprendizaxe de estratexias para a resolución de conflitos e  á promoción da conviviencia positiva nas relacións interpersoais.

O obradoiro desenvólvese ao longo de dúas sesións e pretende xerar un espazo de diálogo e reflexión entre o grupo de autoxestores de FADEMGA  para a adquisión das diferentes habilidades para a xestión positiva de conflitos no seu desenvolvemento persoal.

Ademais, na primeira sesión abordouse a importancia da creación dun clima agradable e as ferramentas para a cohesion grupal e o traballo en equipo, como mecanismo para a prevención e o fomento dunha convivencia positiva que facilita o regulamento emocional, relacional e produtivo de cada grupo.

Ler máis…