Archives

Reflexionando en torno ao acoso escolar con nais e pais

Onte Arelar desenvolveu unha sesión formativa baixo o título “Acoso escolar: Pautas para a prevención e o afrontamento dende as familias”, no CEIP Alexandre Rodríguez Cadarso en Noia, onde unha ducia  de nais e pais participaron activamente desta sesión na que se puideron analizar os diferentes elementos de relevancia para a prevención e o afrontamento dunha situación de acoso escolar.

Así mesmo, ao longo da sesión efectuose moito énfase no rol dos espectadores a hora de abordar a prevención e a proteccion da vítima dunha situacion de acoso escolar, e cal é o papel da familia para promover condutas de protección ante unha vítima de acoso escolar.

As nais e pais valoraron moi positivamente a sesion formativa amosando o seu desexo de dar continuidade a este tipo de sesións formativas, nun tema que é de especial relevancia para as familias do centro.

Abordando o ciberbullying dende o Erasmus +

O alumnado do IES XELMIREZ I participará no marco do Erasmus +, nun encontro en Como (Italia) con alumnado doutros centros de Rumanía e Italia, par abordar a problemáticas do bullying e o ciberbullying tal e como veñen facendo en diversos encontros ao longo do pasado curso escolar.

Nesta ocasión o alumnado do IES Xelmirez I, está a preparar unha peza de teatro foro para representar diante dos seus compañeiros e compañeiras na que aborda a problemática do ciberbullying, no contexto dunha relación adolescente.

A semana pasada co inicio do curso, 12 alumnas e alumnos están a traballar na peza “Vaste a enterar!” e na que o alumnado asumirá so diferentes roles prcisos para a representación dunha peza de teatro foro,e que van moito máis alá da representación por parte de actores e actrices.

Ler máis…

Teatro foro: recurso didáctico fronte ao ciberbullying

Ven de rematar nos diferentes institutos de Vilagarcía de Arousa,  un proxecto de “Prevencion do Ciberacoso e bó uso das TIC´S” que consistíu na creación de diversas pezas teatrais creadas polo alumnado dos diferentes centros para reprsentar ante a comunidade educativa dende a metodoloxía do teatro foro.

Ao longo do segundo e terceiro trimestre participaron no proxecto 257 alumnos participaron no proxecto (70 alumnos e alumnas como creadoras de3 pezas de teatro foro, 187 alumnos e alumnas como destinatarias das diferentes pezas teatrais para sensiblizar sobre esta problemática de convivencia).

 

 O proxecto abordou a problemática do ciberbullying, dende diversas ópticas, e sempre partindo da visión do alumnado participante, que tivo un gran protagonismo á hora de estruturar a peza teatral, perfilar os personaxes e ientificar as situacións nas que era preciso actuar para protexer a unha vítima de ciberbullying,

Ler máis…