Archives

O teatro comunitario dá vida

O Clube de Maiores de Boqueixón leva xa un tempo traballando dende unha perspectiva comunitaria, e co teatro como ferramenta para desenvolver un envellecemento activo, ao tempo que dinamiza a súa comunidade .

Neste intre o Clube de Maiores está a traballar nunha comedia titulada “Un morto moi vivo”, e resulta digno de mención o proceso de creación dos personaxes, adaptándoos as necesidades de cada un dos participantes.

Unha das cuestións máis complexas ten que ver coa creación dunha peza coral para 27 maiores, adecuando ás caracteristicas individuais tan diversas no grupo.

Todos estes elementos de complexidade son suplidos coa ilusión, entusiasmo e bó facer do grupo, de forma que o proceso de construción da peza resulta tremendamente estimulante e motivador.

Ao longo do ano seguirá o traballo para desenvolver a posterior representación á comunidade.

Arelar desenvolve a coordinación técnica deste proxecto.

Teatro foro: recurso didáctico fronte ao ciberbullying

Ven de rematar nos diferentes institutos de Vilagarcía de Arousa,  un proxecto de “Prevencion do Ciberacoso e bó uso das TIC´S” que consistíu na creación de diversas pezas teatrais creadas polo alumnado dos diferentes centros para reprsentar ante a comunidade educativa dende a metodoloxía do teatro foro.

Ao longo do segundo e terceiro trimestre participaron no proxecto 257 alumnos participaron no proxecto (70 alumnos e alumnas como creadoras de3 pezas de teatro foro, 187 alumnos e alumnas como destinatarias das diferentes pezas teatrais para sensiblizar sobre esta problemática de convivencia).

 

 O proxecto abordou a problemática do ciberbullying, dende diversas ópticas, e sempre partindo da visión do alumnado participante, que tivo un gran protagonismo á hora de estruturar a peza teatral, perfilar os personaxes e ientificar as situacións nas que era preciso actuar para protexer a unha vítima de ciberbullying,

Ler máis…

O “Voluntariado Miúdo” enche a Cidade da Cultura

Máis de 215 alumnos e alumnas de educación primaria compartiron proxectos e experiencias no Museo do Gaiás.

Ao longo da xornada de onte 215 nenos e nenas e 25 mestrs e mestras participaron no Encontro do Voluntariado Míúdo, a través dos seus proxectos solidarios e de voluntariado, que 12 centros de toda Galicia desenvolveron ao longo do curso 2018-2019.

Este programa é promovido pola Dirección Xeral de Xuventude, Participación e Voluntariado, e na súa benvida aos centros contou coa presenza de Fabiola García Conselleira de Política Social e da Directora Xeral de Xuventude, Participacion e Voluntariado, Cristina Pichel.

A xornada estruturouse en 3 espazos principais. O primeiro consistíu na presentación de experiencias, na que o CPR PP Somascos de A guarda e o CEIP Isidro Parga Pondal de Oleiros, compartiron as súas experiencias vencelladas ao maltrato animal, e a inclusión e a solidaridade.

Ler máis…