Archives

O Obradoiro “Comparte e expresa” chega a ASPANAS

O pasado 14 e 15 de setembro celebrouse no centro ocupacional de Aspanas en Velle (Ourense) o obradoiro de mellora das habilidades comunicativas “Comparte e expresa” e que estivo dirixido a un grupo de 14 usuarios e usuarias do centro, para aprender a falar en público e mellorar as súas habilidades sociais e de comunicación.

O grupo estivo moi motivado e participativo de cara a a traballar os diferentes contidos do curso, cunha gran compoñente dinámica e práctica, que facilita a preparación de comunicacións en público, ben en centros educativos, encontros de autoxestorxs, eventos da entidade, etc….

Estes obradoiros son promovidos por FADEMGA  e levan desenvolvéndose ao longo destes meses por diferentes entidades de Galicia, e son impartidos por Arelar.

Aprendemos a mellorar a nosa comunicación

Hoxe ven de rematar o obradoiro de comunicación “Comparte e expresa” impulsado por FADEMGA e que se celebrou ao longo do dia 19 e 20 de xuño na sede da Asociación Chamorro (Narón). O curso foi dirixido ao grupo de 16 autoxestores da entidade, e tiña como obxectivo a mellora das destrezas e competencias comunicativas do grupo de cara ao proceso de falar en público, ben en actos da propia entidade, como para o seu desenvolvemento persoal e mellora comunicativa.

O grupo foi trementamente participativo e amosou un elevado nivel de implicación en todo o proceso, adicando gran parte do tempo a realizar exercicios prácticos destinados a descrición das actividades que fan na súa asociación e á preparacion dunha presentación sobre a reivindicación dos seus dereitos como cidadanía activa, poñendo especial fincapé naquelas cuestións que máis lle preocupan.

O curso foi impartido por Arelar, sendo o primeiro dunha serie de obradoiros que ao longo deste verán, se desenvolverán por diferentes entidades vencelladas a FADEMGA.

“Voluntariado Miúdo”: Un espazo para compartir experiencias solidarias

Ven de celebrarse o Encontro de alumnado de educación primaria participante no programa “Voluntariado Miúdo” e no que se xuntaron 170 alumnos e alumnas no Albergue Xuvenil da Marina Española (Bergondo) para compartir experiencias e proxectos solidarios que impulsan os diferentes centros nos seus contextos.

O Encontro permitíu dun xeito lúdico e dinámico compartir proxectos, actividades e intereses conectados aos proxectos de voluntariado que impulsa cada centro educativo, de forma que diferentes ámbitos de traballo foron compartidos ao longo da xornada. Deste xeito, a interculturalidade e os procesos migratorios, a diversidade funcional, o medioambiente ou as persoas maiores foron os eixos que definiron os diferentes proxectos compartidos.

O programa “Voluntariado Miúdo” é impulsado pola Dirección Xeral de Xuventude, Participación e Voluntariado, e de feito o alumnado tivo a oportunidade de compartir a xornada xunto a Conselleira de Política Social e Xuventude Fabiola García, que puido comprobar de primeira man as diferentes propostas presentadas polo alumnado como protagonistas dos seus proxectos.

Ler máis…