Archives

A obra “Urxencias” no ciclo de teatro de Boqueixón

O Clube de Maiores de Boqueixón representou onte a obra “Urxencias” no marco do Ciclo de Teatro de Outono de Boqueixón, no que máis de 120 persoas se deron cita para esta obra que en formato de parodia retrata unha sala de urxencias con personaxes do máis peculiar.

É a cuarta vez que o Clube de Maiores de Boqueixón representa esta peza en Boqueixón e sempre cunha resposta extraordinaria.

Na actualidade o Clube de Maiores xa está a traballar nunha nova peza teatral para estrear o vindeiro ano.

Arelar desenvolve a coordinación técnica deste proxecto teatral cunha clara vocación comunitaria.

 

 

Reflexionando en torno ao acoso escolar con nais e pais

Onte Arelar desenvolveu unha sesión formativa baixo o título “Acoso escolar: Pautas para a prevención e o afrontamento dende as familias”, no CEIP Alexandre Rodríguez Cadarso en Noia, onde unha ducia  de nais e pais participaron activamente desta sesión na que se puideron analizar os diferentes elementos de relevancia para a prevención e o afrontamento dunha situación de acoso escolar.

Así mesmo, ao longo da sesión efectuose moito énfase no rol dos espectadores a hora de abordar a prevención e a proteccion da vítima dunha situacion de acoso escolar, e cal é o papel da familia para promover condutas de protección ante unha vítima de acoso escolar.

As nais e pais valoraron moi positivamente a sesion formativa amosando o seu desexo de dar continuidade a este tipo de sesións formativas, nun tema que é de especial relevancia para as familias do centro.

A transformación social a través do teatro foro

Hoxe ven de iniciarse o proxecto de teatro foro para a educación en valores que por tercer ano consecutivo desenvolve un traballo moi intenso en diferentes institutos de secundaria de Santiago de Compostela, e que pretende achegar a profesorado e alumnado unha ferramenta para a educación en valores e propiciar a transformacion de determinadas realidades dende a implicación directa do alumnado.

Nesta edición son 5 os centros educativos que van a impulsar o proxecto dende as súas aulas: IES Rosalía de Castro, IES Xelmírez I, IES Xelmírez II, IES Pontepedriña e IES Sar.

Así mesmo, as temáticas que se abordarán dende os diferentes centros son moi variadas e reflicten o interese da comunidade educativa en torno a aspectos tan variados como a realidade LGTB, prevención de drogodependencias, o acoso escolar, racismo e xenofobia, violencia de xénero, etc…

Ler máis…